ആദ്യരാത്രിയില്‍ ഭാര്യയോട് എന്തു പറയും

Relationship

oi-Saritha

By Veena

Published: Friday, March 2, 2012, 16:24 [IST]

വടക്കുനോക്കി യന്ത്രത്തിലെ ശ്രീനിവാസനെ പോലെ ആദ്യരാത്രിയില്‍ ഭാര്യയോടെന്തു പറയുമെന്ന് ചിന്താക്കുഴപ്പമുള്ള ആളാണോ നിങ്ങള്‍. സിനിമയിലെ അബദ്ധങ്ങള്‍ ജീവിതത്തില്‍ ആവര്‍ത്തിക്കാതിരിക്കാന്‍ ഇതൊന്നു വായിച്ചൂ നോക്കൂ,

വിവാഹം കഴിഞ്ഞ പെണ്‍കുട്ടിയെ സംബന്ധിച്ചിടത്തോളം പുതിയൊരു വീടും അന്തരീക്ഷവും പെട്ടെന്ന് ഉള്‍ക്കൊള്ളാന്‍ ബുദ്ധിമുട്ടുണ്ടാകും. ഇത്തരം പ്രശ്‌നങ്ങള്‍ പരിഹരിക്കാന്‍ ഏറ്റവും കൂടുതല്‍ സഹായിക്കാന്‍ സാധിക്കുന്നത് ഭര്‍ത്താവിനായിരിക്കും. ഭാര്യയോട് വീടിനെക്കുറിച്ചും വീട്ടുകാരെക്കുറിച്ചും പറഞ്ഞുകൊടുക്കാം. പരസ്പരം മനസു തുറന്ന് സംസാരിക്കുന്നത് ഇരുകൂട്ടര്‍ക്കും നല്ലതു തന്നെ. അസുഖകരമായ ചര്‍ച്ചകളോ വര്‍ത്തമാനങ്ങളോ ഇല്ലാതിരിക്കാന്‍ ശ്രദ്ധിക്കണം.

നിങ്ങളെപ്പറ്റി പറയാം. നിങ്ങള്‍ക്ക് ഭാര്യയായി വന്ന പെണ്‍കുട്ടിയോടുള്ള സ്‌നേഹത്തെയും കരുതലിനെയും പറ്റി പറയാം. പെണ്‍കുട്ടിയുടെ മനസില്‍ ഒരു സുരക്ഷിതബോധം തോന്നാന്‍ ഇതെല്ലാം സഹായിക്കും.

ഭാര്യക്ക് തന്റെ ജീവിതത്തിലുള്ള ഉത്തരവാദിത്വങ്ങളെ കുറിച്ചും ലളിതമായി പറഞ്ഞു കൊടുക്കുക. ഭാരമെടുത്ത് ചുമലില്‍ വച്ചു കൊടുക്കുന്ന രീതിയിലാവരുത് ഇത്. ഉത്തരവാദിത്വങ്ങള്‍ മനസിലാക്കാന്‍ ഇത് സഹായിക്കും.

ഭാര്യയാളെന്ന അധികാരഭാവം വച്ചുകൊണ്ടുള്ള സംസാരം ഒഴിവാക്കുന്നതായിരിക്കും ഏറ്റവും നല്ലത്. നല്ലൊരു സുഹൃത്തിന്റെ രീതിയിലുള്ള ഇടപെടല്‍ പെണ്‍കുട്ടിയുടെ ടെന്‍ഷന്‍ ഒഴിവാക്കാനും സഹായിക്കും.

റേഡിയോ പോലെ അങ്ങോട്ടു മാത്രം സംസാരിച്ചിരിക്കാതെ ഭാര്യയ്ക്കു സംസാരിക്കാനുള്ള അവസരവും നല്‍കാന്‍ മറക്കേണ്ട.