ഫേസ്ബുക്ക് പാസ്‌വേഡ് പങ്കിടണോ?

ഫേസ്ബുക്കും മറ്റും ഉപയോഗിക്കുന്നവരുടെ സുരക്ഷിതത്വവും സ്വകാര്യതയും ഉറപ്പുവരുത്തുന്നത് പാസ്വേഡുകളാണ്. ഇത്തരം പാസ് വേഡുകള്‍ കൈമാറുന്ന കമിതാക്കളും ഭാര്യാഭര്‍ത്താക്കന്മാരും ഉണ്ട്. ഇത് പരസ്പരവിശ്വസത്തിലധിഷ്ഠിതമായാണ് ചെയ്യുന്നതെങ്കിലും ചിലപ്പോഴെങ്കിലും ദോഷവശങ്ങളുമുണ്ട്.

സംശയാലുവായ ഒരു പങ്കാളിയുടെ കയ്യിലാണ് ഇത് പെടുന്നതെങ്കില്‍ സുഹൃത്തുക്കളടക്കമുള്ളവരെ സംശയിക്കാന്‍ ഇത് കാരണമാകും. പങ്കാളികള്‍ക്കിടയില്‍ വഴക്കിനും വഴിയൊരുക്കും.

നിങ്ങള്‍ക്കു വരുന്ന എന്തെങ്കിലും മെസേജോ നിങ്ങളയക്കുന്ന മെസേജോ ശരിയായ അര്‍ത്ഥത്തില്‍ എടുക്കാത്ത ആളാണെങ്കില്‍ സംശയത്തിന്റെ ഒരു പുകമറയുണ്ടാകാന്‍ സാധ്യത കുറവല്ല.

കമിതാക്കളെങ്കില്‍, എന്തെങ്കിലും കാരണത്താല്‍ പിരിഞ്ഞെങ്കില്‍, പക പോക്കാനും ഇത്തരം പാസ്വേഡുകള്‍ ഉപയോഗിക്കാനുള്ള സാധ്യത തള്ളിക്കളഞ്ഞുകൂടാ.

ഏറ്റവും പ്രധാന കാര്യം സ്വകാര്യത നഷ്ടപ്പെടുന്നതു തന്നെയാണ്. എത്ര അടുത്തവരാണെങ്കിലും സ്വകാര്യത ആരും വില മതിക്കുന്ന ഒന്നു തന്നെയാണ്. അതുകൊണ്ടുതന്നെ പാസ്വേഡ് അവനവന്റെ കയ്യില്‍ മാത്രം ഇരിയ്ക്കുന്നതാണ് നല്ലത്.