പുരുഷന്റെ പക്വതക്കുറവിന് കാരണം

സാധാരണയായി ഉത്തരവാദിത്വങ്ങള്‍ ഒരാളെ പക്വതയുള്ളവനാക്കുമെന്ന് പറയാറുണ്ട്. ഇത് സ്ത്രീയായാലും പുരുഷനായാലും.

ആണുങ്ങള്‍ പൊതുവെ പക്വതയില്ലാവരായി മാറാന്‍ ചില പ്രത്യേക കാരണങ്ങള്‍ പറയാറുമുണ്ട്. അമ്മക്കുട്ടികളായി വളരുന്ന പുരുഷന്മാര്‍ സാധാരണ ഗതിയില്‍ പക്വതക്കുറവ് കാണിക്കുമത്രെ. ആണ്‍കുട്ടികളെ അമ്മമാര്‍ പ്രത്യേകിച്ച് ലാളിക്കുമെന്നും പറയാറുണ്ട്. ഒരു പ്രായം കഴിഞ്ഞാല്‍ ഇത്തരം ലാളന പക്വതയില്ലായ്മക്കും വഴിവയ്ക്കും.

കുട്ടികളെ ഉത്തരവാദിത്വമുള്ളവരാക്കാനും അല്ലാത്തവരാക്കാനും ഏറ്റവും കൂടുതല്‍ കഴിയുന്നത് അച്ഛനമ്മമാര്‍ക്കു തന്നെയാണ്. വാല്‍സല്യത്തിന്റെ പേരില്‍ ഇതൊന്നും മോന്‍ ചെയ്യേണ്ട, ഞാന്‍ ചെയ്‌തോളാം എന്നു പറയുന്നത് ഒരു വിധത്തില്‍ മകന്റെ കഴിവു കെടുത്തുകയാണ്. മുതിര്‍ന്ന ആളായാലും ഇത്തരം വാക്കു കേട്ടാല്‍ താന്‍ കുട്ടിയാണ് എന്നൊരു ചിന്ത അറിയാതെയെങ്കിലും ഉപബോധമനസില്‍ വരും. ഇത് പക്വതക്കുറവിന് കാരണമാകുകയും ചെയ്യും. സ്വയമെ ചെയ്യാന്‍ കഴിയുന്ന കാര്യങ്ങള്‍ കുട്ടികളായാലും തനിയെ ചെയ്യിക്കുന്നതാണ് നല്ലത്.

ഉത്തരവാദിത്വമില്ലായ്മയും ശ്രദ്ധക്കുറവും പക്വതക്കുറവിന്റെ മറ്റ് ലക്ഷണങ്ങളാണ്. സാധാരണ ഉത്തരവാദിത്വങ്ങളെക്കുറിച്ച് ബോധ്യമുണ്ടെങ്കില്‍ പക്വതയും താനെ വരും. വിവാഹം കഴിപ്പിച്ചു കൊടുത്താല്‍ മതി, പക്വതയും ഉത്തരവാദിത്വവുമെല്ലാം തനിയെ വരുമെന്ന് പറയുന്ന കേട്ടിട്ടില്ലേ.. ഇതില്‍ കാര്യമില്ലാതില്ലെന്ന് ചുരുക്കം.