നല്ല സെക്‌സിന് ചില ആരോഗ്യ മന്ത്രങ്ങള്‍

നല്ല സെക്‌സിന് ചില ആരോഗ്യവശങ്ങളുമുണ്ട്. ഇതിന് ഭക്ഷണത്തിനൊപ്പം വ്യായാമവും പ്രധാനം. വ്യായാമം ശരീരത്തിലെ രക്തപ്രവാരം കൂട്ടുകയും അങ്ങനെ നല്ല സെക്‌സിന് സഹായിക്കുകയും ചെയ്യും.

ജോലിത്തിരക്കിനിടയില്‍ ദമ്പതികള്‍ക്ക് ലഭിക്കുന്നത് രാത്രിയില്‍ അല്‍പം സമയം മാത്രമായിരിക്കും. ഇത് ടിവിക്കു മുന്നില്‍ ചടഞ്ഞിരിക്കുന്നതിനാണ് കൂടുതല്‍ പേരും ഉപയോഗിക്കുന്നത്. ഇത് സെക്‌സ് പരാജയപ്പെടുവാന്‍ കാരണമാകുമെന്ന് തെളിഞ്ഞിട്ടുണ്ട്. ഈ ശീലം കഴിവതും ഒഴിവാക്കുക.

നല്ല റൊമാന്റിക് മൂഡുണ്ടാക്കാന്‍ കാന്‍ഡില്‍ ലൈറ്റ് ഡിന്നര്‍ വേണമെന്നില്ല. ഒരുമിച്ചിരുന്ന് തമാശ പറഞ്ഞ് കൂടുതല്‍ ഉന്മേഷം നേടാം, ഇത് സെക്‌സിനെയും സഹായിക്കും.

പിരിമുറുക്കങ്ങളില്‍ നിന്നും മുക്തി നേടുക. ടെന്‍ഷനെ ബെഡ്‌റൂമിന് പുറത്തു നിര്‍ത്തുക. റൊമാന്റിക് അന്തരീക്ഷം ബെഡ്‌റൂമിലുണ്ടാക്കാന്‍ പങ്കാളികള്‍ മുന്‍കയ്യെടുക്കുക. നല്ല പാട്ട്, സുഗന്ധം ഇതെല്ലാം നല്ല സെക്‌സിന് പ്രചോദനങ്ങളാണ്.

പങ്കാളികള്‍ തമ്മിലുള്ള ആശയവിനിമയം പ്രധാനം. മനസു തുറന്ന് സംസാരിക്കുകയും പ്രശ്‌നങ്ങള്‍ പരസ്പം പങ്കുവയ്ക്കുകയും ചെയ്യണം. മാനസിക അടുപ്പമുള്ളവരില്‍ മാത്രമെ ശാരീരിക അടുപ്പവും വളരുകയുള്ളൂ.

വെള്ളമടിച്ച് സെക്‌സ് ഉഷാറാക്കാമെന്ന്് കരുതിയാല്‍ തെറ്റി. ചെറിയ തോതില്‍ മദ്യമാകാം. എന്നാല്‍ അമിതമായാല്‍ സെക്‌സ് ജീവിതം തകര്‍ക്കാന്‍ ഇതൊരു കാരണം മാത്രം മതി.