കലി തുള്ളുന്ന ഭാര്യയെ മയപ്പെടുത്താം

Relationship

oi-Saritha

By Veena

Published: Thursday, February 16, 2012, 12:56 [IST]

ഭാര്യ കലിമൂത്തു നില്‍ക്കുകയാണോ. വശപ്പെടുത്താന്‍ ചില സൂത്രങ്ങളുണ്ട്. ആദ്യം വേണ്ടത് ഭര്‍ത്താവിന് അല്‍പം ക്ഷമയാണ്. ഭാര്യക്കൊപ്പം കലി തുള്ളിയില്‍ കാര്യങ്ങള്‍ ചിലപ്പോള്‍ കൈവിട്ടു പോകും.

സ്വന്തം ന്യായങ്ങള്‍ നിരത്താതിരിക്കുക. ഇത് ദേഷ്യപ്പെട്ടു നില്‍ക്കുന്ന ഭാര്യ കേള്‍ക്കാന്‍ മനസ് കാണിച്ചെന്നോ കണക്കിലെടുത്തെന്നോ വരില്ല. ഭാര്യ പറയുന്നത് ശ്രദ്ധിക്കുക. ഒപ്പത്തിനൊപ്പം മറുപടി നല്‍കാതിരിക്കുക. ഇതിനെല്ലാം ദേഷ്യം മാറിയ ശേഷ മുള്ള സമയം ഉപയോഗിക്കുന്നതാണ് ബുദ്ധി. മൗനം വിദ്വാനു ഭൂഷണമെന്നു കേട്ടിട്ടില്ലേ.

ഭാര്യ പറയുന്നത് ന്യായമെന്ന് ഭാവിക്കുക, അങ്ങനെയല്ലെങ്കിലും. ദേഷ്യപ്പെടുന്ന സമയത്ത് കാര്യകാരണസഹിതം ബോധ്യപ്പെടുത്താന്‍ നിന്നാല്‍ ദേഷ്യം വീണ്ടും കൂടാനാണ് സാധ്യത.

ചിലരുണ്ട്, ഭാര്യ ദേഷ്യപ്പെട്ടാലുടനെ ഷര്‍ട്ടുമെടുത്തിട്ട് പുറത്തിറങ്ങും. ഇത് നല്ല രീതിയല്ല. സാഹചര്യങ്ങളില്‍ നിന്ന് ഒളിച്ചോടുന്നത് ഏതു സ്ത്രീയേയും ദേഷ്യം പിടിപ്പിക്കും. ഭര്‍ത്താവിന് ഭീരുവെന്ന ലേബലും കിട്ടും. ഇതു വേണോ.

ചിലപ്പോള്‍ ഭാര്യയുടെ ദേഷ്യത്തിന് പിന്നില്‍ തക്കതായ കാരണങ്ങള്‍ ഉണ്ടാകും. ഇങ്ങനെയുള്ളപ്പോള്‍ ഇത് കണ്ടെത്തി പരിഹരിക്കാന്‍ ശ്രമിക്കുന്നതാണ് നല്ലത്.

ആര്‍ക്കുമുണ്ടാകും ചില ദുര്‍ബല വശങ്ങള്‍. ഇത് മുതലെടുത്ത് സമാധാനമുണ്ടാക്കാന്‍ ബുദ്ധിയുള്ള ഭര്‍ത്താവിന് കഴിയണം.