പ്രണയത്തെ മറന്നവര്‍ക്ക്...

Relationship

oi-Saritha

By Veena

Published: Monday, February 13, 2012, 15:32 [IST]

വാലന്റൈന്‍സ് ദിനം പ്രണയിതാക്കളുടേതാണ്. എന്നാല്‍ പ്രണയമില്ലാത്തവരും കാണും. പ്രണയിച്ചതിന് ശേഷം ഒറ്റക്കായവരും കാണും. ഇവരെയും ഇടയ്‌ക്കെങ്കിലും ഓര്‍ക്കേണ്ടേ..

പ്രണയിക്കാത്ത രണ്ടു സുഹൃത്തുക്കള്‍ ഒരുമിച്ചു പുറത്തു പോകുന്നത് നല്ലൊരു പദ്ധതിയാണ്. കമിതാക്കള്‍ക്കിടയില്‍ ഒറ്റയ്ക്ക് പുറത്തിറങ്ങാനുള്ള വൈക്ലബ്യം ഒഴിവാക്കുകയും ചെയ്യാം. നിങ്ങളുടെ അടുത്ത ബന്ധുവോ സുഹൃത്തോ ഒപ്പം കറങ്ങാന്‍ പോകാം.

കമിതാക്കളുടെ തിരക്കു വരാന്‍ സാധ്യതയുള്ള സ്ഥലങ്ങള്‍ ഒഴിവാക്കാം. വേണമെങ്കില്‍ ഒരു ചെറിയ യാത്ര പോകുകയുമാകാം. പ്രണയം തകര്‍ന്നവര്‍ക്ക് മറ്റുള്ളവരെ ഒരുമിച്ചു കാണുമ്പോഴുള്ള ബുദ്ധിമുട്ട് ഒഴിവാക്കുകയുമാകാം.

വീടിനുള്ളില്‍ തന്നെ വേണമെങ്കില്‍ സമയം ചെലവാക്കാവുന്നതേയുള്ളൂ. ടിവി, പാട്ട്, കമ്പ്യൂട്ടര്‍ തുടങ്ങിയ മാര്‍ഗങ്ങള്‍ നിരവധി. വീട്ടില്‍ മറ്റു കുടുംബാംഗങ്ങളുണ്ടെങ്കില്‍ അവര്‍ക്കു വേണ്ടി പാചകം ചെയ്യുകയുമാകാം. ഇരുകൂട്ടര്‍ക്കും സന്തോഷമാകും.

മനസിന് ഇഷ്ടപ്പെട്ട കാര്യങ്ങള്‍ ചെയ്യുന്നത് കയ്‌പേറിയ അനുഭവങ്ങളുണ്ടെങ്കില്‍ മറക്കാന്‍ പറ്റിയ നല്ലൊരു മാര്‍ഗമാണ്. വെറുതെയിരിക്കാതെ എന്തെങ്കിലുമൊക്കെ ചെയ്തു കൊണ്ടിരിക്കുക.

കഴിഞ്ഞ കാലങ്ങളില്‍ മനസിനെ കൊരുത്തിടാതെ പുതിയ സാഹചര്യങ്ങളുമായി പൊരുത്തപ്പെട്ട് ജീവിക്കുക. ദുഖിപ്പിക്കുന്ന ഓര്‍മകളെ മറക്കുന്നതായിരിക്കും നല്ലത്.