വാലന്റൈന്‍സ് ഡെ ആഘോഷിക്കാം, ഓഫീസിലും

ഓഫീസില്‍ വാലന്റൈന്‍സ് ദിനത്തില്‍ വേണമെങ്കില്‍ കുക്കീസോ ചോക്കലേറ്റോ വിതരണം ചെയ്യാം. കൂട്ടുകാരോടൊത്ത് തമാശ പറഞ്ഞ് കൂട്ടുകാരൊത്തുള്ള വാലന്റൈന്‍സ് ഡെ ആഘോഷവും സന്തോഷം നല്‍കും.

നിങ്ങളുടെ കീഴില്‍ ജോലി ചെയ്യുന്നവര്‍ക്ക് കാര്‍ഡുകളോ ചെറിയ സമ്മാനങ്ങളോ നല്‍കാം. കൊടുക്കുന്നവര്‍ക്കും വാങ്ങുന്നവര്‍ക്കും ഒരുപോലെ സന്തോഷം തോന്നും.

ഒരുമിച്ചുള്ള ലഞ്ചോ ഡിന്നറോ മറ്റൊരു ഐഡിയയാണ്. പുറത്തുപോയി കഴിയ്ക്കുകയോ ഓഫീസില്‍ തന്നെ ഇതിന് സൗകര്യമുണ്ടാക്കുകയോ ആകാം.

പ്രണയത്തില്‍ വിശ്വസിക്കുന്ന ബോസാണ് നിങ്ങളെങ്കില്‍ അല്‍പനേരം കീഴില്‍ ജോലി ചെയ്യുന്നവര്‍ക്ക് പ്രണയമാഘോഷിക്കാന്‍ ഇളവു ചെയ്തു കൊടുത്തു കൂടെ. ജോലി സമയം അന്നേ ദിവസം കുറച്ച്.

ദീനാനുകമ്പയുള്ളവരാണെങ്കില്‍ ഏതെങ്കിലും അനാഥാലയത്തിലോ വൃദ്ധസദനത്തിലോ ഈ ദിനം ചെലവഴിക്കാം. അല്‍പം തിരിഞ്ഞ പദ്ധതിയാണെന്ന് തോന്നുമെങ്കിലും വാലന്റൈന്‍ ദിനത്തില്‍ പ്രണയത്തിനും സ്‌നേഹത്തിനും തുല്യപങ്കാണെന്ന് മനസിലാക്കാം.