വാലന്റൈന്‍സ് ഡെയും ചില നിറങ്ങളും

Published: Monday, February 6, 2012, 11:23 [IST]

വാലന്റൈന്‍സ് ഡെ എന്നു പറയുമ്പോള്‍ തന്നെ ചുവപ്പുനിറമായിരിക്കും മനസില്‍ വരിക. പ്രണയിക്കുന്നവരുടെ, ഹദയത്തിന്റെ നിറത്തെ കാണിക്കുവാനാണ് ഈ ദിവസത്തെ ചുവപ്പുമായി ബന്ധപ്പെടുത്തിയിരിക്കുന്നത്.

എന്നാല്‍ പ്രണയം തുറന്നു പറയാനും ഈ ദിവസത്തെ തെരഞ്ഞെടുക്കുന്നവരുണ്ട്. പ്രണയം സ്വീകരിക്കുകയോ നിരസിക്കുകയോ ചെയ്യുന്നവരുണ്ട്. ഇതെല്ലാം വിവിധ നിറങ്ങളിലൂടെ പ്രകടിപ്പിക്കാമെന്നറിയാമോ

പ്രണയത്തിലാണെങ്കില്‍ ധരിക്കുന്ന വസ്ത്രമാണ് ചുവന്നത്. മറ്റാരും പ്രണയാഭ്യര്‍ത്ഥനയുമായി വരേണ്ടതില്ലെന്ന സന്ദേശം കൂടിയാണ് ഇത് നല്‍കുന്നത്.

ആരോടെങ്കിലും പ്രണയം തുറന്നു പറയുവാന്‍ പോകുകയാണെങ്കില്‍ പിങ്ക് നിറത്തിലുള്ള വസ്ത്രം ധരിക്കുന്നതായിരിക്കും നല്ലത്. വാലന്റൈന്‍സ് ഡെയും നിറങ്ങളുമായുള്ള ബന്ധം അറിയാവുന്നവരാണെങ്കില്‍ പറയാതെ തന്നെ നിങ്ങള്‍ പ്രണയാഭ്യര്‍ത്ഥനയുമായി വന്നതാണെന്ന് മനസിലാക്കും.

പ്രേമിക്കുവാനും പ്രേമിക്കപ്പെടുവാനും താല്‍പര്യമുള്ളവരാണെങ്കില്‍ നീല നിറം തെരഞ്ഞെടുക്കാം. ഇത് പ്രണയസന്നദ്ധരാണെന്ന സന്ദേശമാണ് നല്‍കുന്നത്.

അടുത്തിടെ പ്രണയത്തിലായെന്ന് കാണിക്കുന്ന നിറമാണ് പച്ച. അതുപോലെ പ്രണയഭംഗം വന്നവരാണെങ്കില്‍ മഞ്ഞനിറം തെരഞ്ഞെടുക്കാം.

പ്രണയിക്കാനും പ്രണയിക്കപ്പെടാനും താല്‍പര്യമില്ലാത്ത വിഭാഗവും ചെറിയ തോതിലാണെങ്കിലും ഉണ്ട്. ഇത്തരക്കാര്‍ക്കുള്ള നിറമാണ് കറുപ്പ്.

പ്രണയിക്കുകയോ പ്രണയിക്കാതിരിക്കുകയോ ചെയ്യാം എന്ന മട്ടിലുള്ളവരുമുണ്ട്. ഇവര്‍ക്ക് വെള്ള നിറത്തിലുള്ള വസ്ത്രം ധരിക്കാം.

നിറം കൊണ്ടു തന്നെ മനസ് കാണാന്‍ കഴിയുന്നത് വലിയ കാര്യമല്ലേ,