ഭര്‍ത്താവിനെ കീഴടക്കാന്‍ ചില 'രഹസ്യ'ങ്ങള്‍

ആത്മവിശ്വാസമാണ് എല്ലാറ്റിന്റേയും അടിസ്ഥാനം എന്നു കേട്ടിട്ടില്ലേ. ഭര്‍ത്താവിനെ കീഴടക്കാം എന്ന വിശ്വാസം മനസില്‍ വളര്‍ത്തിയെടുക്കുക. ഈ വിശ്വാസം ലക്ഷ്യത്തിന് അടിസ്ഥാനം നല്‍കും.

ഭര്‍ത്താവിന്റെ എല്ലാ കാര്യങ്ങളിലും അറിയാതെ ഒരു കടിഞ്ഞാണ്‍ നിങ്ങളുടെ കൈക്കലുണ്ടാകണം. പരോക്ഷമായെങ്കിലും തീരുമാനങ്ങളെ സ്വാധീനിക്കാന്‍ കഴിയണം. കുടുംബകാര്യങ്ങളില്‍ നിങ്ങളുടെ അഭിപ്രായത്തിന് മേല്‍ക്കൈ ലഭിക്കുന്ന വിധത്തില്‍ കാര്യങ്ങള്‍ നീ്ക്കുക. ഭാര്യയുടെ അഭിപ്രായം പ്രധാനമാണെന്നും അത് മുഖവിലക്കെടുക്കാവുന്നതുമാണെന്ന തോന്നല്‍ പങ്കാളിയിലുണ്ടാക്കണം. സ്വാഭാവികമായും ഭാര്യയുടെ തീരുമാനങ്ങള്‍ക്ക് വഴങ്ങാനുള്ള ഒരു പ്രവണത ഇതുണ്ടാക്കും.

ആകര്‍ഷണം പുരുഷനെ കീഴടക്കാനുള്ള മറ്റൊരു വഴിയാണ്. ഇത് സൗന്ദര്യമാകാം, മറ്റെന്തെങ്കിലും ഗുണങ്ങളാകാം. ആരാധന നിറഞ്ഞ കണ്ണുകൊണ്ടു ഭാര്യയെ നോക്കുന്ന പുരുഷനെ കീഴടക്കാനും ചൊല്‍പ്പടിക്കു നിര്‍ത്താനും എളുപ്പമാണ്. പുരുഷനെ തന്നിലേക്ക് വലിച്ചടുപ്പിക്കുകയെന്ന പ്രയോഗം തെറ്റാവില്ല.

പെട്ടെന്നൊന്നും പുരുഷനു മുന്നില്‍ താണു കൊടുക്കരുത്. ഇത് പ്രവൃത്തിയിലായാലും വാഗ്വാദത്തിലായാലും. ഒരു തവണ താണു കൊടുത്താല്‍ ഭാര്യയെ താഴ്ത്തിക്കെട്ടാനുള്ള തോന്നല്‍ പിന്നീടെപ്പോഴുമുണ്ടാകും. ചിന്തകളിലും പ്രവൃത്തികളിലും ഭര്‍ത്താവിനേക്കാള്‍ മുകളില്‍ നിന്നില്ലെങ്കിലും ഒപ്പമെങ്കിലും നില്‍ക്കാന്‍ ശ്രമിക്കണം.

കണ്ണീരും ചിരിയും ആയുധമാക്കി ഭര്‍ത്താവിനെ വരുതിയില്‍ നിര്‍ത്തുന്ന രീതിയുണ്ട്. കൂടുതല്‍ കണ്ടുവരുന്നതും ഇതാണ്. എന്നാല്‍ സ്‌നേഹം ആയുധമാക്കിയും ഭര്‍ത്താവിനെ കീഴ്‌പ്പെടുത്താം. സ്‌നേഹവും ലാളനയും സ്ത്രീയെപ്പോലെ പുരുഷനും കൊതിക്കുന്നുണ്ടെന്നതാണ് വാസ്തവം.