പെണ്ണിനെന്താ പ്രണയം പറഞ്ഞാല്‍?

Relationship

oi-Staff

By Super

Updated: Friday, March 15, 2013, 14:00 [IST]

പൊതുവേ സ്ത്രീകളെന്നാല്‍ നമ്രമുഖികളായി അല്ലെങ്കില്‍ തറയില്‍ നഖം കൊണ്ട് ചിത്രമെഴുതി നില്‍ക്കുന്ന രൂപമാണ് പലപുരുഷന്മാരുടെയും ഉള്ളിലുണ്ടാകുക(ഇന്നത്തെക്കാലത്ത് സംഗതികള്‍ക്ക് വ്യത്യാസം വന്നിട്ടില്ലെന്നല്ല പറയുന്നത്). അബലകള്‍ എന്ന് വിശേഷിപ്പിക്കുന്ന ഈ വിഭാഗം ഒന്നിനും പ്രത്യേകിച്ച് പ്രണയം, വിവാഹം തുടങ്ങിയ കാര്യങ്ങളില്‍ മുന്‍കയ്യെടുത്തുകൂടെന്നാണ് വെയ്പ്. സമൂഹമുണ്ടാക്കിവെച്ചിരിക്കുന്ന ഓരോ തരം അരുതായ്കകള്‍.

പ്രണയത്തിന്റെ കാര്യത്തിലാണെങ്കില്‍ പെണ്ണിന് ഏതെങ്കിലും ഒരു പുരുഷനോട് പ്രണയം തോന്നിയാല്‍ അത് മനസ്സില്‍ വച്ചുകൊണ്ട് നടക്കാനാണ് പൊതുവേ വിധി, പുരുഷനെ കാത്തുനിന്ന് തന്റെ ഇഷ്ടം തുറന്ന് പറയാനൊന്നും ഒരു അവകാശമില്ല. അങ്ങനെ പറഞ്ഞാല്‍ ഇവളുകൊള്ളാമല്ലോയെന്ന ഭാവത്തിലായിരിക്കും ആ പുരുഷന്‍പോലും പിന്നീട് പെണ്‍കുട്ടിയെ നോക്കുന്നത്.

എന്നാല്‍ ഇന്നത്തെക്കാലത്ത് സ്ത്രീകള്‍ അങ്ങനെ അബലകളല്ല, അവര്‍ക്ക് തീരുമാനങ്ങള്‍ എടുക്കാനും നടപ്പിലാക്കാനുമുള്ള കഴിവുണ്ട്. പിന്നെ എന്തുകൊണ്ട് ആരോടെങ്കിലും ഇഷ്ടം തോന്നിയാല്‍ അത് തുറന്നുപറഞ്ഞുകൂടാ, എന്തിന് അതിനെ ഒരു രണ്ടാംതരം ഇടപാടായി കാണണം.

പുത്തന്‍തലമുറ ഇക്കാര്യത്തില്‍ രണ്ടാമതൊന്ന് ചിന്തിക്കുന്നില്ല, ഇഷ്ടം തോന്നിയാല്‍ അത് പറയുക, വെറുതെ മനസ്സില്‍ സൂക്ഷിച്ച് നടന്നിട്ട് കാര്യമില്ല അതാണ് അവരുടെയൊരു ലൈന്‍.