ആദ്യചുംബനം മറക്കാനാവില്ല!!

എന്നാല്‍ എല്ലാ സ്ത്രീകളും പുരുഷന്മാരും ഏറ്റവും നന്നായി ഓര്‍ത്തുവയ്ക്കുന്ന ഓര്‍മ്മയില്‍ താലോലിയ്ക്കുന്ന ഒരു കാര്യമുണ്ട്. പങ്കാളിയില്‍ നിന്നും ലഭിച്ച ആദ്യത്തെ ചുംബനം. ആദ്യ ലൈംഗികബന്ധത്തേക്കാളുമേറെ വ്യക്തികള്‍ ഓര്‍മ്മയില്‍ ലാളിക്കുന്ന സന്ദര്‍ഭങ്ങളിലൊന്ന് ആദ്യചുംബനമാണെന്നാണ് ഗവേഷകര്‍ പറയുന്നത്.

കൃത്യമായ പഠനത്തിന്റെ അടിസ്ഥാനത്തിലാണ് അമേരിക്കയിലെ യൂണിവേഴ്‌സിറ്റി ഓഫ് ടെക്‌സസിലെ ഷെറില്‍ കിര്‍ഷെന്‍ബാം ഇക്കാര്യം സ്ഥാപിക്കുന്നത്.

ഈ കണ്ടെത്തിലിനെ അടിസ്ഥാനമാക്കി ഷെറില്‍ ദി സയന്‍സ് ഓഫ് കിസ്സിങ് വാട്ട് ഔര്‍ ലിപ്‌സ് ആര്‍ ടെല്ലിങ് അസ് എന്ന പേരില്‍ ഒരു പുസ്തകവും തയ്യാറാക്കിയിട്ടുണ്ട്. ഇതിനുവേണ്ട പഠനത്തിനിടെ നടത്തിയ നിരീക്ഷണത്തിലാണ് തൊണ്ണൂറു ശതമാനം പേരും പങ്കാളിയില്‍ നിന്നുള്ള ആദ്യചുംബനം എന്നും ഓര്‍മ്മിയില്‍ സൂക്ഷിക്കുന്നുവെന്ന് കണ്ടെത്തിയത്.

സ്ത്രീയും പുരുഷനും ചുംബനത്തെ സമീപിക്കുന്ന രീതി, ആസ്വദിക്കുന്ന രീതി എന്നിവയെക്കുറിച്ചെല്ലാം ഷെറിളിന്റെ പുസ്തകത്തില്‍ പറയുന്നു. പുരുഷന്മാരെല്ലാം ഗാഡമായി ചുംബിക്കുന്നവരാണെന്നാണ് ഷെറിളിന്റെ കണ്ടെത്തല്‍.

ചുംബിക്കുന്ന സമയത്ത് പുരുഷന്മാരുടെ ശരീരത്തില്‍ ഹോര്‍മ്മോണ്‍ വിസ്‌ഫോടനം നടക്കുന്നുവെന്നും ഷെറിള്‍ പറയുന്നു. ഒരു ചുംബനത്തിന് സ്ത്രീയെ വളരെപെട്ടെന്ന് പ്രണയത്തിലേയ്ക്ക് തള്ളിവിടാന്‍ കഴിയുമെന്നും ഷെറിള്‍ പറയുന്നു.