For Quick Alerts
ALLOW NOTIFICATIONS  
For Daily Alerts

പുരുഷനെ ആകര്‍ഷിക്കാന്‍ മദ്യപാനം!!

By Staff
|

Drinking Woman
പ്രേമിച്ച്‌ നടന്ന്‌ അവസാനം പ്രണയിനി മറ്റൊരാളെ കല്യാണം കഴിച്ച്‌ പോകുമ്പോള്‍ മദ്യപിച്ച്‌ ജീവിതം നശിപ്പിക്കാന്‍ തുടങ്ങുന്ന പുരുഷന്മാരെ ഇപ്പോള്‍ അധികമൊന്നും കാണാന്‍ കഴിയില്ലെങ്കിലും സിനിമകളിലെങ്കിലും നമ്മള്‍ കണ്ടിട്ടുണ്ട്‌.

എന്നാല്‍ മദ്യപിച്ച്‌ താടിയും മുടിയും നീട്ടി വളര്‍ത്തി നടന്ന നിരാശാകാമുകന്മാരുടെ കാലം കഴിഞ്ഞിരിക്കുന്നു. ഇത്‌ മദ്യപിച്ച്‌ പുരുഷനെ ആകര്‍ഷിക്കാന്‍ ശ്രമിക്കുന്ന പെണ്ണുങ്ങളുടെ കാലമാണ്‌. അതേ പറയുന്നത്‌ തമാശയോ കെട്ടിച്ചമച്ച കാര്യങ്ങളോ അല്ല.

പശ്ചാത്യ നാടുകളില്‍ ഇത്തരം വിശ്വാസത്തോടെ അതായത്‌ മദ്യപാനത്തിലൂടെ പുരുഷന്മാരെ ആകര്‍ഷിക്കാമെന്ന്‌ കരുതുന്ന ഒരു തലമുറ വളര്‍ന്നുവരുകയാണത്രേ. ആസ്‌ത്രേലിയയിലെ ലയോള മെയ്‌മോണ്ട്‌ സര്‍വ്വകലാശാലയിലെയും വാഷിങ്‌ടണ്‍ സര്‍വ്വകലാശാലയിലെയും വിദ്യാര്‍ത്ഥികള്‍ക്കിടയില്‍ ഏതാനും നാള്‍ മുമ്പ്‌ നടത്തിയ ഒരു സര്‍വ്വേയിലാണ്‌ ഇക്കാര്യം വ്യക്തമായത്‌.

സര്‍വ്വേയില്‍ പങ്കെടുത്തവരില്‍ 71 ശതമാനം പെണ്‍കുട്ടികളും കൂട്ടുകാരന്റെ സ്‌നേഹം കിട്ടുമെന്ന്‌ കരുതി മദ്യപിക്കുന്നവരാണത്രേ. ഇങ്ങനെ മദ്യപിച്ചാല്‍ ആണ്‍കുട്ടികള്‍ തങ്ങളില്‍ ആകൃഷ്ടരാകുമെന്നാണത്രേ ഇവരുടെ വിശ്വാസം.

മാത്രമല്ല ആണ്‍കുട്ടികളെക്കാള്‍ പെണ്‍കുട്ടികള്‍ക്കാണ്‌ വിവിധ തരം മദ്യങ്ങളെക്കുറിച്ചും വീര്യം കൂടിയ ബ്രാന്റുകളെക്കുറിച്ചും അറിയാവുന്നതെന്നും സര്‍വ്വേയില്‍ വ്യക്തമായിട്ടുണ്ട്‌. പെണ്‍കുട്ടികളുടെ മദ്യപാനം പശ്ചാത്യ ജീവിതരീതിയുടെ ഭാഗമായിക്കഴിഞ്ഞതായി സര്‍വ്വേ നടത്തിയ ആസ്‌ത്രേലിയന്‍ നാഷണല്‍ കൗണ്‍സില്‍ ഓണ്‍ ഡ്രഗ്‌സ്‌ അധികൃതര്‍ പറയുന്നു.

പുരുഷന്മാര്‍ക്ക്‌ തങ്ങളുടെ മദ്യപാനം ഇഷ്ടമാണെന്ന സ്ത്രീകളുടെ ധാരണ ഏറെക്കുറെ തെറ്റാണെന്നും സര്‍വ്വേയില്‍ വ്യക്തമായിട്ടുണ്ട്‌. മദ്യപിക്കുന്ന സ്‌ത്രീകളെ പുരുഷന്മാര്‍ക്ക്‌ ഇഷ്ടമില്ലത്രേ. എന്നാല്‍ അമിതമായ ലൈംഗികാവേശവും മദ്യപാനവുമെല്ലാം പുരുഷനെ ആകര്‍ഷിക്കുന്ന ഘടകങ്ങളാണെന്നാണ്‌ സ്‌ത്രീകള്‍ കരുതുന്നത്‌.

Story first published: Tuesday, March 31, 2009, 16:23 [IST]
X
Desktop Bottom Promotion