ഭാര്യയില്‍ നിന്നും മാതൃസ്‌നേഹം

ഭാര്യമാരില്‍ നിന്നും ഓരോ പുരുഷനും ഒരു അമ്മയുടെ സ്‌നേഹം കൂടി ആഗ്രഹിക്കുന്നുണ്ട്‌. പക്ഷേ ഇക്കാര്യം അവര്‍ പുറത്തുപറയാറില്ല. എന്നാല്‍ അമ്മയുടേതെന്ന പോലെ ഭാര്യമാര്‍ ശാസിക്കുന്നതും ഉപദേശിക്കുന്നതും ഇവര്‍ ഇഷ്ടപ്പെടുന്നുവെന്നതാണ്‌ സത്യം.

കുളിച്ചാല്‍ തല തുടയ്‌ക്കുന്നത്‌ മുതല്‍ ഷര്‍ട്ടിന്റെ കുടുക്കിടുന്നതുവരെയുള്ള കാര്യങ്ങള്‍ ഭാര്യതന്നെ ചെയ്‌തുതരണമെന്ന്‌ വാശി പിടിക്കുന്ന ഭര്‍ത്താക്കന്മാരുടെ മാനസികഭാവത്തിന്‌ മുന്നില്‍ ഈ മാതൃസ്‌നേഹമാഗ്രഹിക്കുന്ന മനസ്സാണെന്നാണ്‌ പറയാറുള്ളത്‌.

പഴക്കമേറുമ്പോള്‍ സ്‌നേഹവുമേറുന്നു

മിക്ക സ്‌ത്രീകളും ചിന്തിക്കുക വിവാഹം കഴിഞ്ഞനാളുകളിലായിരുന്നു ഭര്‍ത്താവിന്‌ തന്നോട്‌ സ്‌നേഹം പത്തിരുപത്‌ വര്‍ഷം കഴിഞ്ഞപ്പോള്‍ പഴയ സ്‌നേഹമൊന്നും ഇല്ലെന്നൊക്കെയാണ്‌. എന്നാല്‍ ഇക്കാര്യത്തില്‍ പുരുഷന്മാര്‍ നേരെ തിരിച്ചാണ്‌. വിവാഹത്തിന്റെ ആദ്യനാളുകളേക്കാള്‍ കാലം കഴിയുന്നതോടെയാണ്‌ ഭാര്യമാരെ ഇവര്‍ കൂടുതല്‍ സ്‌നേഹിക്കാന്‍ തുടങ്ങുന്നത്‌.

ഇക്കാര്യങ്ങള്‍ അവര്‍ പുറമേ കാണിക്കാറില്ല പഴയ സ്‌നേഹമിപ്പോഴില്ലെന്ന്‌ പറഞ്ഞ്‌ വഴക്കിടുന്ന ഭാര്യമാരോട്‌ ഇത്തരക്കാര്‍ക്ക്‌ സഹതാപം തോന്നിയാല്‍പ്പോലും ഇപ്പോഴാണ്‌ ഞാന്‍ യഥാര്‍ത്ഥത്തില്‍ നിന്നെ സ്‌നേഹിക്കുന്നതെന്ന്‌ അവര്‍ ഒരിക്കലും വെളിപ്പെടുത്തില്ല.

വീട്ടുജോലിചെയ്യുന്നത്‌ പുരുഷന്മാര്‍ ആസ്വദിക്കുന്നു
സ്വതേ വീട്ടുജോലിചെയ്യുന്നതില്‍ മടികാണിക്കാറുണ്ടെങ്കിലും അത്‌ ചെയ്യുമ്പോള്‍ പുരുഷന്മാര്‍ യഥാര്‍ത്ഥത്തില്‍ ആസ്വദിക്കുന്നുണ്ട്‌. പക്ഷേ ഇക്കാര്യം അവര്‍ ഭാര്യയോട്‌ തുറന്നുപറയില്ല.