വഴക്കും വക്കാണവും വേണ്ടേ വേണ്ട

നിങ്ങള്‍ ഒരു പക്ഷേ വല്ലാതെ പൊസസ്സീവ്‌ ആയ ഒരു കാമുകി അല്ലെങ്കില്‍ ഭാര്യ ആണെന്നുവയ്‌ക്കുക. അങ്ങനെയാണെങ്കില്‍ പ്രിയതമന്റെ ഈ കണ്ണോട്ടം നിങ്ങള്‍ക്ക്‌ ഒട്ടും സഹിക്കാന്‍ കഴിയില്ല. എന്നു വച്ച്‌ സമചിത്തതയില്ലാതെ ഇതിനെ കൈകാര്യ ചെയ്യുകയാണെങ്കില്‍ അത്‌ വഴക്കിലും വക്കാണത്തിലും ചെന്നെത്തുമെന്ന്‌ ഉറപ്പാണ്‌. അദ്ദേഹത്തെ ഉപദേശിക്കുകയാണെന്നോ നിയന്ത്രിക്കുകയാണെന്നോ നിങ്ങളുടെ വഴിക്ക്‌ കൊണ്ടുവരുകയാണെന്നോ തോന്നാത്ത വിധത്തില്‍വേണം ഇക്കാര്യം കൈകാര്യ ചെയ്യേണ്ടത്‌.

കുടുംബത്തിലെ മറ്റുള്ളവരെ പ്രശ്‌നം അറിയിക്കാതിരിക്കുന്നതാവും നല്ലത്‌. ഇരുവരും തമ്മില്‍ വളരെ സ്‌നേഹത്തോടെ ഇടപഴകുന്ന സമയത്ത്‌ സംഭവം അവതരിപ്പിക്കുന്നതാവും നല്ലത്‌. മാത്രമല്ല അദ്ദേഹത്തോടുള്ള അഗാധസ്‌നേഹമാണ്‌ ഇതു പറയാന്‍ നിങ്ങളെ പ്രേരിപ്പിക്കുന്നതെന്ന്‌ അദ്ദേഹത്തിന്‌ മനസ്സിലാക്കാനും കഴിയണം. എങ്കില്‍ നിങ്ങള്‍ ഇക്കാര്യത്തില്‍ പാതി വിജയിച്ചുവെന്ന്‌ പറയാം.

സ്‌നേഹപൂര്‍ണ്ണമായി പെരുമാറുക

ഈ പ്രത്യേക സ്വഭാവത്തിന്റെ പേരില്‍ പുരുഷനെ അവഗണിക്കുകയോ താഴ്‌ത്തിക്കെട്ടുകയോ ചെയ്യാതിരിക്കുക. വിമര്‍ശിക്കുമ്പോഴും സ്‌നേഹപൂര്‍ണ്ണമായ പെരുമാറ്റം സൂക്ഷിയ്‌ക്കാന്‍ ശ്രമിക്കുക. വേണമെങ്കില്‍ ഏറ്റവും അടുപ്പമുള്ള വിശ്വസ്‌തയായ ഒരു കൂട്ടുകാരിയോട്‌ ഇക്കാര്യം സൂചിപ്പിക്കുക. നിങ്ങളുടെ ഭര്‍ത്താവിന്റെ പെരുമാറ്റത്തില്‍ അവര്‍ക്കെന്തെങ്കിലും പ്രശ്‌നം തോന്നിയിട്ടുണ്ടോ എന്നും ചോദിക്കുക. അവള്‍ ഇക്കാര്യത്തില്‍ ഉറപ്പ്‌ പറഞ്ഞാല്‍ ഇതും ഭര്‍ത്താവിന്റെ ശ്രദ്ധയില്‍പ്പെടുത്താന്‍ ശ്രമിക്കുക. ചിലപ്പോള്‍ തന്റെ മുഖഛായയ്‌ക്ക്‌ കോട്ടം വന്നേയ്‌ക്കുമെന്ന തോന്നലില്‍ ഈ ശീലം ഉപേക്ഷിക്കാന്‍ അദ്ദേഹം തയ്യാറായേയ്‌ക്കും.

പതിനെട്ടാമത്തെ അടവ്‌

ഇതുകൊണ്ടൊന്നും ആള്‍ മാറുന്ന ലക്ഷണമില്ലെങ്കില്‍ നിങ്ങക്ക്‌ അവസാന ശ്രമത്തിലേയ്‌ക്ക്‌ കടക്കാം. നിങ്ങളും അന്യപുരുഷന്മാരെ ആവശ്യത്തില്‍ക്കൂടുതല്‍ ശ്രദ്ധിക്കാന്‍ തുടങ്ങിയാല്‍ അദ്ദേഹത്തിന്റെ മനോഭാവം എന്തെന്ന്‌ ആരായുക. ഇക്കാര്യം പ്രയോഗത്തില്‍ വരുത്തിനോക്കാം ശ്രമിക്കുക.

ഒരു വിധക്കാരൊക്കെ ഈ വിദ്യയ്‌ക്കുമുന്നില്‍ മുട്ടുമടക്കേണ്ടതാണ്‌. ഇനി അദ്ദേഹത്തിന്‌ ഈ ശീലം മാറ്റാന്‍ യാതൊരു ഉദ്ദേശവുമില്ലെന്ന്‌ വ്യക്തമായിക്കഴിഞ്ഞാല്‍ ഇക്കാര്യമൊക്കെ പ്രാധാന്യം കൊടുക്കാതെ തള്ളിക്കളയുകയാണെങ്കില്‍ നിങ്ങള്‍ക്ക്‌ മനസ്സിലുള്ള കാര്യം തുറന്ന പറഞ്ഞ്‌. ഇത്തരമൊരു പങ്കാളി വേണ്ടതുണ്ടോ എന്ന്‌ തീരുമാനിയ്‌ക്കാം.