ഭര്‍ത്താവിനോട്‌ വഴക്കിടല്ലേ

വിവാഹം കഴിഞ്ഞ്‌ ഏറെനാളായിട്ടും ഒരു കുഞ്ഞിക്കാലു കാണാന്‍ കഴിയാതെ വിഷമിക്കുകയാണോ. ഈ ദുരവസ്ഥയെ തരണം ചെയ്യാനായി നിങ്ങള്‍ സമ്മര്‍ദ്ദമുണ്ടാക്കുന്ന ജോലിയും ഭര്‍ത്താവിനോട്‌ വഴക്കിടുന്നതും കുറയ്‌ക്കണമെന്നാണ്‌ വന്ധ്യതാപ്രശ്‌നങ്ങളെക്കുറിച്ച്‌ പഠനം നടത്തുന്ന ഗവേഷകര്‍ പറയുന്നത്‌. ഗര്‍ഭധാരണം വിജയകമാകാത്തതിന്‌ ജീവിത രീതിയുമയി ബന്ധപ്പെട്ട ഒട്ടേറെ പ്രശ്‌നങ്ങള്‍ കാരണമാകുന്നുണ്ട്‌. മിക്കവരും മാനസിക സംഘര്‍ഷങ്ങളും സമ്മര്‍ദ്ദവും അകറ്റാന്‍ പതിവായി മദ്യപിക്കുന്നു. എന്നാല്‍ ഇത്‌ വന്ധ്യതയ്‌ക്ക്‌ കാരണമാകുമെന്നാണ്‌ വിദഗ്‌ധര്‍ പറയുന്നത്‌. മദ്യപിക്കുന്നത്‌ സ്‌ത്രീകളാണെങ്കില്‍ പ്രത്യുതല്‍പാദനത്തിന്‌ സഹായിക്കുന്ന ഹോര്‍മോണുകളുടെ ഉല്‍പാദനത്തെയാണ്‌ മദ്യത്തിലെ ആള്‍ക്കഹോള്‍ ബാധിക്കുന്നത്‌. മദ്യപാനം പതിവാകുന്നതോടെ ഈ ഹോര്‍മ്മോണ്‍ ഉല്‍പാദനം തകരാറിലാവുകയും ആര്‍ത്തവചക്രം ക്രമം തെറ്റുകയും ചെയ്യുന്നു- ബ്രീട്ടീഷുകാരിയായ ഫെര്‍ടിലിറ്റി എക്‌സ്‌പേര്‍ട്‌്‌ട സിന്റ വെസ്റ്റ്‌ പറയുന്നു. വന്ധ്യതാനിവാരണത്തിനായി ക്ലിനിക്കിലെത്തിയ രോഗികളെ നീരീക്ഷിച്ചാണ്‌ സിന്റയും കൂട്ടരും ഇക്കാര്യങ്ങള്‍ കണ്ടെത്തിയത്‌. മദ്യം, പുകവലി, എന്നിവയൊക്കെപ്പോലെതന്നെ ഇക്കാലത്ത്‌ ജനങ്ങള്‍ അനുഭവിക്കുന്ന സമ്മര്‍ദ്ദവും പ്രത്യുല്‍പാദനപ്രശ്‌നങ്ങള്‍ക്ക്‌ കാരണമാകുന്നുവെന്നാണ്‌ ഇവര്‍ പറയുന്നത്‌. ഇത്തരം സമ്മര്‍ദ്ദങ്ങള്‍ ദമ്പതിമാരുടെ ലൈംഗിജീവിതത്തെയും സ്‌ത്രീകളിലെ പ്രത്യുല്‍പാദനക്ഷമതെയും ദോഷകരമായി ബാധിക്കുന്നു. ഇന്നത്തെ സ്‌ത്രീകള്‍ കൂടുതല്‍ ഉത്തരവാദിത്തങ്ങളുള്ളവരാണ്‌. അതുകൊണ്ടുതന്നെ അവര്‍ അനുഭവിക്കുന്ന സമ്മര്‍ദ്ദത്തിന്റെ അളവും കൂടുന്നു. ബാധ്യതകള്‍ളും ഉത്തരവാദിത്തങ്ങളും അവയുണ്ടാക്കുന്ന സമ്മര്‍ദ്ദങ്ങള്‍ക്കുമിടയില്‍ മിക്കവരുടെയും ലൈംഗിക ജീവിതം താറുമാറാവുന്നു. ചിലര്‍ക്ക്‌ ലൈംഗിക ജീവിതം സാധ്യമാകാതെ വരുന്നു. ഇതൊക്കെ പ്രത്യുല്‍പാദനപരമായ പ്രശ്‌നങ്ങള്‍ക്ക്‌ കാരണമാകുന്നു. സമ്മര്‍ദ്ദം മൂലമുണ്ടാകുന്ന വീട്ടുവഴക്കുകള്‍ക്കും ഇതില്‍ പ്രധാന റോളുണ്ട്‌. ഇതും ലൈംഗിക ജീവിതത്തില്‍ പ്രശ്‌നങ്ങളുണ്ടാകുന്നു. ലൈംഗിക ജീവിതം ആരോഗ്യകരമല്ലാതാവുമ്പോള്‍ സ്‌ത്രീകളില്‍ ഗര്‍ഭധാരണസാധ്യത കുറയുന്നു. സമ്മര്‍ദ്ദത്തെയും അതുമൂലമുണ്ടാകുന്ന വഴക്കുകളെയും അകറ്റി നിര്‍ത്തിയാല്‍ത്തന്നെ ഒരു പരിധിവരെ ലൈംഗികജീവിതം ആരോഗ്യകരമാക്കാമെന്നാണ്‌ ഗവേഷകര്‍ പറയുന്നത്‌. ഇത്‌ ഒരു പരിധിവരെ പ്രത്യുല്‍പാദന പ്രശ്‌നങ്ങള്‍ അകറ്റുകയും ചെയ്യുമത്രേ.