സീരിയലുകളും നിങ്ങള്‍ക്കെതിരേയാണ് സുഹൃത്തേ

വിശ്വസിച്ചാലും ഇല്ലെങ്കിലും സിനിമകളും സീരിയലുകളും സ്ത്രീകളെ സംശയരോഗികളാക്കി മാറ്റുന്നതില്‍ പ്രധാന പങ്ക് വഹിക്കുന്നുണ്ട്. ഭാര്യാ-ഭര്‍തൃ ബന്ധവും, അതിനിടെയുളള അവിഹിതബന്ധങ്ങളും വഴക്കും വക്കാണവും, വിവാഹമോചനവും ഒന്നുമില്ലാത്ത സീരിയലുകള്‍ ഇന്ന് കണികാണാനാവില്ല.

നിങ്ങള്‍ അര്‍ധരാത്രി എന്തിനാണ്‌ അവളെ വിളിച്ചത്‌? ആ ഫോണ്‍ അറ്റ്‌ന്‍ഡ്‌ ചെയ്യാന്‍ കുളിമുറിയില്‍ പോവേണ്ട ആവശ്യമെന്താണ്‌? എന്റെ മുന്നില്‍ വച്ച്‌ ഫോണ്‍ എടുത്താല്‍ എന്താണ്‌? ഓഫീസ്‌ കഴിഞ്ഞ്‌ എത്ര നേരമായി. ഈ നേരമിത്രയും നിങ്ങള്‍ എന്തെടുക്കുകയായിരുന്നു? ഞാന്‍ വിളിച്ചപ്പോള്‍ നിങ്ങള്‍ ഓഫീസില്‍ ഇല്ലായെന്നാണല്ലോ അറിഞ്ഞത്. പിന്നെ എവിടെയായിരുന്നു?... എന്നൊക്കെയുളള ഡയലോഗുകള്‍ സീരിയലുകളില്‍ പതിവാണ്‌.

ദിവസത്തിന്റെ നല്ലൊരു ഭാഗം സീരിയലുകള്‍ക്കായി മാറ്റിവയ്‌ക്കുന്ന സ്‌ത്രീകളില്‍ ഇത്തരം സംശയങ്ങള്‍ ഉണ്ടായില്ലെങ്കിലെ അത്ഭുതപ്പെടാനുളളൂ. നിങ്ങള്‍ രാത്രി തനിച്ചിരുന്ന ഒരു സിനിമ കാണുന്ന അവസരത്തില്‍ ഭാര്യ ചോദിക്കുന്നു -ജോണ്‍ ഏബ്രഹാമിന്റെ സിനിമയാണോ? ചൂടന്‍ നടികളുമായി ജോണ്‍ തകര്‍ത്തഭിനയിക്കുന്ന രംഗമാണോ രംഗങ്ങളാണോ നിങ്ങള്‍ കാണുന്നതെന്നാണ്‌ പരോക്ഷമായി ആ ചോദ്യം അര്‍ത്ഥമാക്കുന്നത്‌.

നിങ്ങള്‍ ഇന്‍റര്‍നെറ്റില്‍ ചാറ്റിങ്ങിലാണെങ്കില്‍ ഭാര്യ ചോദിക്കുന്നു-നിങ്ങളുടെ കൂട്ടുക്കാരന്‍ ഓണ്‍ലൈനിലുണ്ടോ. ഈ ചോദ്യത്തിലൂടെ അര്‍ത്ഥമാക്കുന്നത്‌-എന്താണ്, പുതിയ കൂട്ടുകാരിയെ കണ്ടെത്തിയോ, അല്ലെങ്കില്‍ ഏതവളോടാ ഈ പഞ്ചാരയടിയെന്നാണ്.

അതിനാല്‍ ഇത്തരം തനിച്ചുളള പരിപാടികള്‍ കഴിവതും ഒഴിവാക്കുക. പകരം ഒന്നിച്ചിരുന്ന ടിവി കാണുകയും ചാറ്റിങ്ങില്‍ ഏര്‍പ്പെടുകയും ചെയ്യുക. ഇല്ലെങ്കില്‍ ഭാര്യ ഇല്ലാത്ത സമയം നോക്കി ഇതെല്ലാം ചെയ്യുകയെന്നതാണ്‌ കുടുംബകലഹം ഒഴിവാക്കാനുളള മാര്‍ഗം.