സ്‌ത്രീ പുരുഷനെ സംശയിക്കുന്നത്‌ എന്തുകൊണ്ട്‌?

പാതിരാത്രിയ്‌ക്ക്‌ കാമുകന്റെ വീട്ടിലെയ്‌ക്ക്‌ കാറോടിക്കുന്ന കാമുകി. കാമുകനെ കാണാനുളള ആഗ്രഹം കൊണ്ടാണ്‌ ഈ യാത്രയെന്ന്‌ കരുതിയാല്‍ തെറ്റി.

കാമുകന്‍ തനിച്ചാണോ ഉറങ്ങുന്നത്‌ അതോ കൂട്ടിന്‌ വേറെയാരെങ്കിലുമുണ്ടോ എന്നറിയാനുളള വ്യഗ്രതയാണീ അര്‍ദ്ധരാത്രി സന്ദര്‍ശനത്തിന്‌ പിന്നില്‍. ഇത്തരം സംഭവങ്ങള്‍ വിരളമല്ല. പലപ്പോഴും സ്‌ത്രീകള്‍ ഇത്തരം സാഹസങ്ങള്‍ക്ക്‌ മുതിരാറുണ്ട്‌.

പങ്കാളി തങ്ങളെ വഞ്ചിക്കുന്നുണ്ടോ എന്ന്‌ സംശയമാണ്‌ ഇതിനവരെ പ്രേരിപ്പിക്കുന്നത്‌. കാമുകനോ ഭര്‍ത്താവോ അറിയാതെ ഇപ്രകാരമുളള അന്വേഷണങ്ങള്‍ നടത്താന്‍ സ്‌ത്രീ തയ്യാറാവുന്നു. കാരണമെന്താണ്‌.?

ഒറ്റ വാക്കില്‍ പറഞ്ഞാല്‍ ഒരു സ്‌ത്രീയും തന്റെ പങ്കാളി എത്ര സ്‌നേഹനിധിയാണെങ്കിലും അവരെ കണ്ണടച്ച്‌ വിശ്വസിക്കാന്‍ തയ്യാറല്ല എന്നത് തന്നെ. അതിന് അവരെ പ്രേരിപ്പിക്കുന്ന കാരണങ്ങള്‍ പലതാണ്.