അതിഥികളെ ഇതിലെ ഇതിലെ

കുടുംബത്തോടൊപ്പം ചെലവഴിക്കാന്‍ ഇഷ്ടപ്പെടുന്നവരാണ്‌ മിക്ക്‌ സ്‌ത്രീകളും. ബന്ധുസമാഗമങ്ങളും സല്‍ക്കാരങ്ങളുമൊക്കെ അവര്‍ക്ക്‌ പ്രിയങ്കരങ്ങളായ നേരംപോക്കുകളാണ്‌.

കുടുംബാഗങ്ങളോടും ബന്ധുക്കളോടും സൊറപറഞ്ഞിരിക്കാന്‍ കിട്ടുന്ന സമയമാണ്‌ അവര്‍ക്കത്‌. എന്നാല്‍ ഇത്തരം ഒത്തുചേരലുകളോട്‌ പുരുഷന്‍മാര്‍ അത്ര താല്‍പര്യം കാണിക്കാറില്ല. അവര്‍ കൂടുതല്‍ നേരവും സുഹൃത്തുക്കളോടെ അല്ലെങ്കില്‍ മറ്റെന്തെങ്കിലും ജോലിയില്‍ മുഴുക്കിയോ സമയം കളയാന്‍ ഇഷ്ടപ്പെടുന്നു.

പാദരക്ഷാ മാനിയ

സ്‌ത്രീകളുടെ മറ്റൊരു ബലഹീനതയാണ്‌ പാദരക്ഷകള്‍. തങ്ങള്‍ ധരിക്കുന്ന വസ്‌ത്രത്തിന്‌ അനുയോജ്യമായ പാദരക്ഷകള്‍ വാങ്ങികൂട്ടുന്നവരാണ്‌ മിക്ക സ്‌ത്രീകളും.

മാറുന്ന കാലാവസ്ഥയ്‌ക്കും ഫാഷനുമനുസരിച്ച്‌ പാദരക്ഷകള്‍ വാങ്ങികൂട്ടാന്‍ അവര്‍ പ്രത്യേകം താല്‍പര്യം കാണിക്കുന്നു. ചുരിദാറിന്‌ ഒരു തരം, സാരിയ്‌ക്ക്‌ വേറൊരു തരം, ജീന്‍സിന്‌ ഇനിയും വേറൊന്ന്‌ എന്ന്‌ തോതിലാണ്‌ അവരുടെ കളക്ഷന്‍.

പാദങ്ങളെ സംരക്ഷിക്കുകയെന്നതിനേക്കാള്‍ വസ്‌ത്രങ്ങള്‍ക്ക്‌ മാച്ച്‌ ചെയ്യുകയെന്നതാണ്‌ സ്‌ത്രീയുടെ പാദരക്ഷാ സങ്കല്‍പ്പം. എന്നാല്‍ ഒന്നോ രണ്ടോ പാദരക്ഷകള്‍ കൊണ്ട്‌ തൃപ്‌തിപ്പെടുന്നവരാണ്‌ പുരുഷന്‍മാര്‍. പാദരക്ഷകള്‍ക്കായി പണം ചെലവാക്കാന്‍ അവര്‍ താല്‍പര്യപ്പെടുന്നില്ല.