അപ്രതീക്ഷിതമായ യാത്രകള്‍

ജോലിസംബന്ധമായി യാത്രകള്‍ വേണ്ടി വരിക സ്വാഭാവികമാണ്‌. എന്നാല്‍ അപ്രതീക്ഷിത യാത്രകള്‍ ആവശ്യപ്പെടുന്ന ജോലി വളരെ ചുരുക്കമാണ്‌.

നിങ്ങളുടെ പങ്കാളി ജോലിയുടെ പേരും പറഞ്ഞ്‌ ഇത്തരം യാത്രകള്‍ നടത്തുകയും അത്‌ പതിവാകുകയും ചെയ്യുന്നുവെങ്കില്‍ നിങ്ങളുടെ സംശയം ശരിയാവാനുളള സാധ്യത ഏറെയാണ്‌.

പണസംബന്ധമായ ചര്‍ച്ചകള്‍

വീട്ടില്‍ പണം ചിലവഴിക്കുന്നതിനെ കുറിച്ച്‌ തര്‍ക്കമുണ്ടാവുക. നിങ്ങളുടെയും അവരുടെയും ബാങ്ക്‌ അക്കൗണ്ടുകളില്‍ അവര്‍ ആധിപത്യം സ്ഥാപിക്കുക. പണം ചിലവഴിച്ച മാര്‍ഗ്ഗങ്ങള്‍ നിങ്ങളില്‍ നിന്ന്‌ മറിച്ചുവയ്‌ക്കുക.

പ്രത്യേക കാരണമൊന്നും കൂടാതെ അക്കൗണ്ടില്‍ നിന്ന്‌ വന്‍തുകകള്‍ പിന്‍വലിക്കപ്പെടുക, അവരുടെ വരുമാനം ചെലവഴിക്കപ്പെട്ട മാര്‍ഗ്ഗങ്ങളെ കുറിച്ച് നിങ്ങളോട്‌ പറയാതിരിക്കുക തുടങ്ങിയവയൊക്കെ അവിഹിതബന്ധത്തില്‍ അവര്‍ അകപ്പെട്ടതിന്റെ ലക്ഷണങ്ങളാവാം.