ദിനചര്യയിലെ മാറ്റം

ജോലിസമയത്തെ വ്യതിയാനത്തിനു പുറമേ പ്രത്യേകിച്ച് കാരണമൊന്നുമില്ലാതെ പങ്കാളിയുടെ ദിനചര്യയില്‍ കാര്യമായ മാറ്റം പ്രകടമാവുന്നുവെങ്കില്‍ ശ്രദ്ധിക്കുക. അസമയത്തെ വരവും പോക്കും, അവധിദിനങ്ങളിലെ യാത്ര, ഒക്കെ പുതിയ ബന്ധത്തിന്റെ ലക്ഷണങ്ങളാവും.

മാറുന്ന വേഷവിധാനങ്ങള്‍

സ്വതവേ താടിവടിക്കാന്‍ ഇഷ്ടപ്പെടാത്ത ഭര്‍ത്താവ്‌ ഒരു സുപ്രഭാത്തില്‍ താടിവടിക്കുന്നു. പിന്നെ അത്‌ ദിനചര്യയുടെ ഭാഗമായി മാറുന്നു.

ചുവന്ന നിറം കണ്ണെടുത്താല്‍ കണ്ടുടാത്ത ഭാര്യ ചുവന്ന സാരി, ചുരിദാര്‍ ഒക്കെ വാങ്ങികൂടുന്നു. കൂടുതല്‍ സമയം കണ്ണാടിയ്‌ക്ക്‌ മുന്നില്‍ ചിലവഴിക്കുന്നു. ഇതൊക്കെയാണെങ്കില്‍ അവര്‍ മറ്റൊരോയോ സന്തോഷിപ്പിക്കാനുളള ശ്രമത്തിലോ ആരുടെയെങ്കിലും ഇഷ്ടത്തിനൊത്ത്‌ മാറുകയോ ആവാം.

അസമയത്തെ ഫോണ്‍കോളുകള്‍

പാതിരാത്രിയ്‌ക്ക്‌ വരുന്ന ഫോണ്‍കോളുകള്‍, എസ്‌എംഎസ്‌ പ്രവാഹം എന്നു തുടങ്ങി നിങ്ങളുടെ സാമീപ്യത്തില്‍ നിന്ന്‌ ഫോണ്‍കോള്‍ അറ്റന്‍ഡ്‌ ചെയ്യാതെ കട്ടാക്കുക, അല്ലെങ്കില്‍ മാറി നിന്ന്‌ സംസാരിയ്‌ക്കുക, ഇതെല്ലാം നിങ്ങളുടെ പങ്കാളി നിങ്ങളില്‍ നിന്ന്‌ എന്തെങ്കിലും ഒളിച്ചുവയ്‌ക്കാനുളള ശ്രമങ്ങളായി കണക്കാക്കാം.