അവിഹിതബന്ധത്തിന്‍റെ ലക്ഷണങ്ങള്‍

ഇന്നത്തെകാലത്ത്‌ ദാമ്പത്യജീവിതം തട്ടലും മുട്ടലുമൊന്നുമില്ലാതെ മുന്നോട്ടു കൊണ്ടു പോവുകയെന്നത്‌ ഒരു ഭഗീരഥപ്രയ്‌തനം തന്നെയാണ്‌. പണ്ടത്തെ ജീവിതസാഹചര്യങ്ങളല്ല ഇന്ന്‌.

മിക്ക ദമ്പതികളും ഉദ്യോഗസ്ഥരായിരിക്കും. ചിലപ്പോള്‍ രണ്ടു പേരും രണ്ടിടത്താവും. മറ്റു ചിലപ്പോള്‍ ഭര്‍ത്താവ്‌ ജോലിയ്‌ക്ക്‌ പോവുന്നത്‌ രാവിലെയാണെങ്കില്‍ കക്ഷി മടങ്ങിയെത്തുമ്പോഴാവും ഭാര്യ ബാഗും തൂക്കി നൈറ്റ്‌ ഷിഫ്‌റ്റിന്‌ ഇറങ്ങുന്നത്‌.

ഇങ്ങനെ തിരക്കുപിടിച്ച ഔദ്യോഗിക ജീവിതത്തിനിടെ രണ്ടറ്റവും കൂട്ടിമുട്ടിക്കാന്‍ നെട്ടോട്ടമോടുന്പോള്‍ കുടുംബജീവിതത്തിന്‍റെ താളംതെറ്റുന്നത് ശ്രദ്ധിക്കാന്‍ ദമ്പതികള്‍ക്ക്‌ നേരമുണ്ടാവില്ല. നാളെയ്‌ക്കായി പണം സമ്പാദിക്കുന്ന തിരക്കിലാവും ഇരുവരും.

ഇതിനിടെ പരസ്‌പരം ഇത്തിരിനേരം ചിലവഴിക്കാനോ, ഉളളു തുറന്ന സംസാരിക്കാനോ പറ്റിയില്ലെന്ന്‌ വരും. ഇതിനൊക്കെ പുറമേ ഉദ്യോഗ സ്ഥലത്ത്‌ പലരുമായുളള സൗഹൃദം നമ്മെ മറ്റൊരു ലോകത്തെയ്‌ക്ക്‌ നയിക്കും.

പങ്കാളിയുമായി ചിലവഴിക്കുന്നതിനേക്കാള്‍ കൂടുതല്‍ സമയം നമ്മള്‍ ചിലവഴിക്കുന്നത്‌ സഹപ്രവര്‍ത്തകര്‍ക്കൊപ്പമാവും. നല്ല സുഹൃത്ത്‌ ബന്ധങ്ങള്‍ സൗഹൃദത്തിന്റെ വരമ്പുകള്‍ കടന്ന പുതിയ തലങ്ങളിലെയ്‌ക്ക്‌ മാറുന്നത്‌ നമ്മള്‍ പോലും അറിയാതെയാവും.

പങ്കാളി നിങ്ങളെ വഞ്ചിക്കുന്നവോയെന്നറിയാന്‍ അവരുടെ പെരുമാറ്റത്തിലെയും സ്വഭാവത്തിലെയും മാറ്റങ്ങള്‍ നിരീക്ഷിച്ചാല്‍ മനസ്സിലാക്കാനാവും. എന്തെല്ലാമാണ് ആ മാറ്റങ്ങളെന്നല്ലെ?