എനിക്ക് ഇപ്പോള്‍ വലുത് ഫുട്ബോള്‍ തന്നെയാണ്

നിങ്ങള്‍ ഒരു കളി കാര്യമായി കാണുകയായിരിക്കും. അതിനിടെയാവും അവള്‍ വല്ല കാര്യവും പറഞ്ഞ് എത്തുന്നത്.

അപ്പോള്‍ വായില്‍ വരിക- നീയൊന്ന് മിണ്ടാതെ പോവുന്നുണ്ടോ, എനിക്കിപ്പോള്‍ സമയമില്ല എന്നാവും.

ഇതില്‍ കേള്‍ക്കുന്പോള്‍ അവളും ചിലപ്പോള്‍ വിട്ടുതരില്ല- ഓ, നിങ്ങള്‍ എന്നേക്കാള്‍ പ്രധാനം കളിയാണെല്ലേ. ഞാന്‍ പറയുന്നത് കേള്‍ക്കാനാണ് സമയമില്ലാത്തത്.

ഉടന്‍ വരും അടുത്ത മറുപടി- അതേ, ഇപ്പോള്‍ എനിക്ക് നിന്നെക്കാള്‍ പ്രധാനം കളി തന്നെയാണ്. കഴിഞ്ഞു കാര്യം. പിന്നെ ടിവിയിലെ കളിയെക്കാള്‍ നല്ല ദൃശ്യം വീട്ടിനകത്താവും.

എനിക്ക് കുറേ ബാധ്യതകളുണ്ട്

നിങ്ങള്‍ക്ക് ബാധ്യതകളുണ്ടാവും. അത് അവളെ അറിയിച്ച് അവളെ കൂടി ടെന്‍ഷനാക്കേണ്ട് കാര്യമില്ല.

ആത്മവിശ്വാസവും തന്നെ സംരക്ഷിക്കാന്‍ കഴിവുമുളള പുരുഷനെയാണ് ഏതൊരു സ്ത്രീയും ഇഷ്ടപ്പെടുകയെന്നോര്‍ക്കുക.

ഓ, ഇതിലിത്ര ടെന്‍‍ഷനടിക്കാനെന്തിരിക്കുന്നു

അവള്‍ എന്തെങ്കിലും പ്രശ്നത്തെ ചൊല്ലി സങ്കടപ്പെട്ടോ, ദുഖിച്ചോ ഇരിക്കുകയാവും. പക്ഷേ നിങ്ങള്‍ക്ക് അതത്ര പ്രശ്നമായി തോന്നണമെന്നില്ല.

അപ്പോള്‍ നിങ്ങള്‍ പറയുന്ന പല്ലവിയിതാവും-ഇതിലിത്ര ടെന്‍‍ഷനടിക്കാനെതാ ഉളളത്. അതങ്ങ് വിട്ടുകള. എന്നാല്‍ ഇത് അവളെ ദേഷ്യം പിടിപ്പിക്കുകയെയുളളൂ. കാരണം, അവളുടെ പ്രശ്നങ്ങളെ നിങ്ങള‍് ഗൗരവമായി കാണുന്നില്ലെന്നും തളളികളയുകയാണെന്നുമുളള ധാരണയ്ക്കിത്തരം വാക്കുകള്‍ ഇടയാക്കും.