നിന്‍റെ കൂട്ടുകാരി കൊളളാമല്ലോ

അവളുടെ കൂട്ടുകാരി സുന്ദരിയാവാം. നല്ല സ്വഭാവമാവാം. നിങ്ങള്‍ക്കവളെ ഇഷ്ടപ്പെട്ടുവെന്നുമിരിക്കും.

തമാശയായി നിങ്ങള്‍ അത് പങ്കാളിയോട് പറഞ്ഞെന്നും വരും. നിന്‍റെ കൂട്ടുകാരി ആള് മിടുക്കിയാണല്ലോ എന്നോ ആവാം പറയുക. നിങ്ങള്‍ നിങ്ങളുടെ അഭിപ്രായം പ്രകടിപ്പിച്ചുവെന്ന് മാത്രമെ ഉണ്ടാവൂ.

പക്ഷേ ഇത് അവളെ ദേഷ്യപ്പെടുത്തുമെന്ന് മാത്രമല്ല, വേദനിപ്പിക്കാനാം ഇടയാക്കും. പിന്നീട് അവളുടെ കൂട്ടുകാര്‍ക്കിടെ നിങ്ങളെ കണ്ടാല്‍ അവള്‍ സംശയദൃഷ്ടിയോടെയെ നോക്കൂ.

പങ്കാളിയെ പുകഴ്‌ത്തുകയാവും നിങ്ങളുടെ ലക്ഷ്യം. അതു വെച്ചാവും നിങ്ങളുടെ കാമുകിയേക്കാളോ എന്തെങ്കിലും സ്ത്രീ സുഹൃത്തിനെക്കാളോ എത്രയോ നല്ലതാണ്‌ അവളെന്ന്‌ നിങ്ങള്‍ പറയുന്നത്‌.

പക്ഷേ അവളെ സന്തോഷിപ്പിക്കാനെന്ന്‌ കരുതി നിങ്ങള്‍ പറയുന്നത്‌ അവളെ അത്രയ്‌ക്കങ്ങ്‌ സന്തുഷ്ടയാക്കണമെന്നില്ല. മറ്റൊരു സ്‌ത്രീയുമായി താരതമ്യം ചെയ്യുന്നത്‌ ഒരു സ്‌ത്രീ ഒരിക്കലും ഇഷ്ടപ്പെടില്ല എന്നതാണ്‌ സത്യം.