ഇനിയും വേണോ എന്റേതെന്നും നിന്റേതെന്നും

ഇരുപത്തിയൊന്നാം നൂറ്റാണ്ടിലെ വിവാഹ ബന്ധങ്ങള്‍ ഒന്നുംതന്നെ ദൃഢമല്ലെന്നതാണ്‌ പൊതുവെ പറഞ്ഞുവരുന്നത്‌. ഇതുശരിവെയ്‌ക്കുന്നവണ്ണം യുവദമ്പതികള്‍ക്കിടയില്‍ വിവാഹമോചനങ്ങളും വര്‍ദ്ധിച്ചുവരുന്നു.

ജീവിക്കാന്‍ സമയമില്ലെന്നും, പരസ്‌പര ധാരണയും പരിഗണനയുമില്ലെന്നും, മറ്റു ബന്ധങ്ങളില്‍ ചെന്നുപെടുന്നുവെന്നും ഒരു പിടി കാരണങ്ങളുമായാണ്‌ മിക്കവരും വിവാഹ മോചനമെന്ന തീരുമാനത്തിന്‌ മുന്നില്‍ എത്തുന്നത്‌. എന്നാല്‍ എവിടെയോ വിട്ടുപോകുന്ന ഒരു കാരണം കൂടിയുണ്ട്‌. കൂടുതലായും അത്‌ മനസ്സിലാക്കപ്പെടുകയോ തിരിച്ചറിയപ്പെടുകയോ ചെയ്യാതെ പോകുന്ന ഒരു വില്ലന്‍. അതാണ്‌ പണം.

പണം കൂടുന്നതും കുറയുന്നതും പ്രശ്‌നങ്ങളുണ്ടാക്കുന്നതുപോലെ എന്റെ പണം നിന്റെ പണം എന്ന വേര്‍തിരിവ്‌ പലബന്ധങ്ങളിലും വിള്ളല്‍ സൃഷ്ടിക്കുന്നുവെന്നാണ്‌ പുതിയ കണ്ടെത്തല്‍.