കൊതിയൂറും ട്രിപ്പിള്‍ ചോക്‌ളേറ്റ്‌ മില്‍ക്ക്‌ ഷേക്

ട്രിപ്പിള്‍ ചോക്‌ളേറ്റ്‌ മില്‍ക്ക്‌ ഷേക്ക്‌ എന്നു കേള്‍ക്കുമ്പോള്‍ തന്നെ ചോക്‌ളേറ്റ്‌ പ്രിയരുടെ വായില്‍ വെള്ളം നിറയും. ഇനി ഇതിന്റെ രുചിയെ കുറിച്ച്‌ കൂടുതല്‍ പറയേണ്ടതില്ലല്ലോ?

പൊടിച്ച ബ്രൗണീസ്‌ ചേര്‍ത്ത്‌ മില്‍ക്ക്‌ ഷേക്കിന്റെ സ്വാദ്‌ വര്‍ദ്ധിപ്പിക്കാന്‍ കഴിയും. ഇതിന്‌ പുതിയ ബ്രൗണി തന്നെ വേണമെന്നില്ല. തലേദിവസത്തെ ബ്രൗണി ഫലപ്രദമായി ഉപയോഗിക്കാനുള്ള ഒരു മാര്‍ഗ്ഗം കൂടിയാണിത്‌.

ചേരുവകള്‍

ചോക്‌ളേറ്റ്‌ ഐസ്‌ക്രീം- ഒന്നോ രണ്ടോ കരണ്ടി

പാല്‍- എട്ട്‌ ഔണ്‍സ്‌ അല്ലെങ്കില്‍ 240 മില്ലീലിറ്റര്‍

ചോക്‌ളേറ്റ്‌ സ്‌ട്രാ അല്ലെങ്കില്‍ സ്‌റ്റിക്ക്‌

പൊടിച്ച ബ്രൗണി രണ്ട്‌ എണ്ണം

കടഞ്ഞെടുത്ത ക്രീം

ചോക്‌ളേറ്റ്‌ സിറപ്പ്‌ അല്ലെങ്കില്‍ ചോക്‌ളേറ്റ്‌ സ്വാസ്‌

ഉണ്ടാക്കുന്നവിധം

1. എടുത്തു വച്ചിരിക്കുന്ന പാല്‍ ബ്‌ളെന്‍ഡറിലേക്ക്‌ ഒഴിക്കുക.

2. ഇതിലേക്ക്‌ ചേക്‌ളേറ്റ്‌ ഐസ്‌ക്രീം ചേര്‍ക്കുക. ഒന്നോ രണ്ടോ കരണ്ടി മതിയാകും. നിങ്ങളുടെ രുചിക്ക്‌ അനുസരിച്ച്‌ കൂടുതല്‍ ചേര്‍ക്കാവുന്നതാണ്‌.

3. മാര്‍ദ്ദവമുള്ള മിശ്രിതമാകുന്നതു വരെ ഐസ്‌ക്രീമും പാലും ചേര്‍ത്ത്‌ ഇളക്കുക.

4. ഇതിലേക്ക്‌ പൊടിച്ച ബ്രൗണി ചേര്‍ക്കുക. ഇത്‌ നല്ല പൊടിയായെന്ന്‌ ഉറപ്പുവരുത്തുക. അല്ലെങ്കില്‍ മിശ്രിതത്തില്‍ നന്നായി ഇളക്കി ചേര്‍ക്കാന്‍ കഴിയില്ല. ബാക്കിയുള്ള ചേരുവകളും ചേര്‍ക്കുക.

5. ചേരുവകളെല്ലാം നന്നായി കൂടക്കലര്‍ന്ന്‌ മില്‍ക്ക്‌ ഷേക്ക്‌ തരികള്‍ ഇല്ലാതാകുന്നതു വരെ ബ്‌ളെന്‍ഡ്‌ ചെയ്യുക.

6. ബ്‌ളെന്‍ഡര്‍ ഓഫ്‌ ചെയ്യുക. ഇനി ട്രിപ്പിള്‍ ചോക്‌ളേറ്റ്‌ മില്‍ക്ക്‌ ഷേക്ക്‌ ഗ്‌ളാസുകളിലേക്ക്‌ പകരാം.

7. കടഞ്ഞെടുത്ത ക്രീം ഉപയോഗിച്ച്‌ മില്‍ക്ക്‌ ഷേക്ക്‌ അലങ്കരിക്കുക.

8. ചോക്‌ളേറ്റ്‌ സിറപ്പോ സ്വാസോ ഇതിന്‌ മുകളില്‍ എല്ലായിടത്തുമായി ഇറ്റിക്കുക.

9. ചോക്‌ളേറ്റ്‌ സ്‌ട്രായോ സ്‌റ്റിക്കോ കപ്പിലേക്കിട്ട്‌ ട്രിപ്പിള്‍ ചോക്‌ളേറ്റ്‌ മില്‍ക്ക്‌ ഷേക്ക്‌ രുചിക്കാം.

മേമ്പൊടി

ചോക്‌ളേറ്റിന്റെ രുചി കൂടുതല്‍ വേണമെങ്കില്‍ കൂടുതല്‍ ബ്രൗണി ചേര്‍ക്കുക.നട്ട്‌സ്‌ ചേരാത്ത ബ്രൗണിയാണ്‌ ഉപയോഗിക്കേണ്ടത്‌. അല്ലെങ്കില്‍ രുചിയില്‍ വ്യത്യാസമുണ്ടാകും.