തക്കാളിത്തീയല്‍

തക്കാളി മിക്കവാറും ഭക്ഷണങ്ങളില്‍ ചേര്‍ക്കുന്ന പ്രധാന ചേരുവയാണ്. ഇതുകൊണ്ടുണ്ടാക്കാവുന്ന കറികളും ധാരാളം.

ഇതാ, ഉണ്ടാക്കാന്‍ എളുപ്പമുള്ള തക്കാളിത്തീയല്‍.

തക്കാളി-4
തേങ്ങ-അരമുറി
ചുവന്നുള്ളി അരിഞ്ഞത്-10
പച്ചമുളക്-5
മുളകുപൊടി-1 ടീസ്പൂണ്‍
പുളി-നെല്ലിക്കാവലുപ്പത്തില്‍
കടുക്-1 ടീസ്പൂണ്‍
ഉപ്പ്
വെളിച്ചെണ്ണ
കറിവേപ്പില

ഒരു ചീനച്ചട്ടിയില്‍ വെളിച്ചെണ്ണ ചൂടാക്കി തക്കാളി അരിഞ്ഞത്, ഉളളി അരിഞ്ഞത്, പച്ചമുളക് എന്നിവ വഴറ്റുക.

തേങ്ങ ചിരകിയത് ചുവക്കുന്നതു വരെ വറുക്കണം. ഇഥിലേക്ക് മുളകുപൊടി ചേര്‍ത്ത് അരയ്ക്കുക.

അരപ്പ് വഴറ്റി വച്ചിരിക്കുന്ന കൂട്ടില്‍ ചേര്‍ത്ത് പാകത്തിന് വെള്ളമൊഴിച്ച് തിളപ്പിക്കണം. പാകത്തിന് പുളി വെള്ളവും ചേര്‍ക്കാം.

ഇതിലേക്ക് വെളിച്ചെണ്ണ തിളപ്പിച്ച് കടുകും കറിവേപ്പിലയും ചേര്‍ത്ത് വറുത്തിടാം.

മേമ്പൊടി

ഈ കറിയില്‍ ആവശ്യമെങ്കില്‍ മാത്രം പുളി ചേര്‍ത്താന്‍ മതിയാകും. തക്കാളിയ്ക്ക് പുളിയുള്ളതു കൊണ്ടാണ് ഇത്. കാന്താരി മുളക് ഉപയോഗിച്ചാല്‍ തക്കാളിത്തീയല്‍ കൂടുതല്‍ സ്വാദിഷ്ഠമാകും.