എല്ലാ ദിവസവും ചോറ് കഴിച്ച് മടുത്തവര്‍ക്ക് ഇനി തക്കാളിച്ചോറ്

തക്കാളി ചോറ് കഴിച്ചിട്ടുണ്ടോ? ദിവസവും ചോറ് കഴിച്ച് മടുത്തവര്‍ക്ക് ഇനി അല്‍പം തക്കാളിച്ചോറ് തയ്യാറാക്കി നോക്കാം. പക്ഷേ നല്ല കിടിലന്‍ സ്വാദില്‍ ഈ തക്കാളിച്ചോറ്
എങ്ങനെ തയ്യാറാക്കാം എന്ന് നമുക്ക് നോക്കാം. പലപ്പോഴും പ്രിയപ്പെട്ട ഈ വിഭവം തയ്യാറാക്കാന്‍ പലര്‍ക്കും അത്ര എളുപ്പം സാധിച്ചെന്ന് വരില്ല. അരി വെന്ത് പോയത് പോലും പലപ്പോഴും ചോറിനെ പ്രശ്‌നത്തിലാക്കുന്നു. വീട്ടില്‍ ടൊമാറ്റോ റൈസ് തയ്യാറാക്കുമ്പോള്‍ നാം എന്തൊക്കെയാണ് ചെയ്യേണ്ട കാര്യങ്ങളെന്ന് നോക്കാം.

ആവശ്യമുള്ള ചേരുവകള്‍:
* ബസുനതി റൈസ്- മൂന്ന് കപ്പ്
* തക്കാളി ചെറുതായി അരിഞ്ഞത് - 3-4 എണ്ണം
* ഉള്ളി - 1
* കറിവേപ്പില - രണ്ട് തണ്ട്
* കടുക് - അരടീസ്പൂണ്‍
* കറുവപ്പട്ട - ഒരു കഷ്ണം
* ഗ്രാമ്പൂ - 3 എണ്ണം
* പെരുംജീരകം - അരടീസ്പൂണ്‍
* ഇഞ്ചി ചെറുതായി അരിഞ്ഞത് - 1 ടീസ്പൂണ്‍
* വെളുത്തുള്ളി - ചെറുതായി അരിഞ്ഞത്
* മഞ്ഞള്‍പ്പൊടി - അര ടീസപൂണ്‍
* മുളക് പൊടി - ഒരു ടീസ്പൂണ്‍
* എണ്ണ- രണ്ട് ടീസ്പൂണ്‍
* ഉപ്പ് - പാകത്തിന്
* മല്ലിയില - ഒരു പിടി

തയ്യാറാക്കുന്ന വിധം:
* ഒരു പാന്‍ എടുത്ത് അതില്‍ ആദ്യം തന്നെ കടുക് പൊട്ടിച്ചതിന് ശേഷം ഇതിലേക്ക് കറുവപ്പട്ട, ഗ്രാമ്പൂ, പെരുംജീരകം എന്നിവയെല്ലാം നല്ലതുപോലെ വഴറ്റിയെടുക്കണം
* ഉള്ളി ചേര്‍ത്ത് വഴറ്റിയ ശേഷം ഇതിലേക്ക് കറിവേപ്പില, ഇഞ്ചി, വെളുത്തുള്ളി എ്ന്നിവയും ചേര്‍ത്ത് വഴറ്റിയെടുക്കണം
* പിന്നീട് ഇതിലേക്ക് മഞ്ഞള്‍പ്പൊടിയും മുളക് പൊടിയും ചേര്‍ത്ത് നല്ലതുപോലെ ഇളക്കണം
* പിന്നീട് തക്കാളി നല്ലതുപോലെ അല്‍പം വെള്ളത്തില്‍ മിക്‌സിയില്‍ അടിച്ചെടുക്കണം
* പിന്നീട് ഉപ്പും അതിലേക്ക് തക്കാളി പേസ്റ്റും ചേര്‍ത്ത് ചട്ടിയില്‍ വഴറ്റിയെടുക്കാം. ഇതിലേക്ക് പച്ച മണം മാറിയതിന് ശേഷം 8 മിനിറ്റോളം വേവിച്ചെടുക്കാം
* പിന്നീട് ഇതിലേക്ക് വേവിച്ച ചോറ് ചേര്‍ത്ത് നല്ലതുപോലെ മിക്‌സ് ചെയ്യുക
* ശേഷം മല്ലിയില ചേര്‍ത്ത് ഇളക്കി കഴിക്കാം.