ദീപാവലിക്കുണ്ടാക്കാം ചോക്കലേറ്റ് ബർഫി

നിങ്ങൾ അതിശയിപ്പിക്കുന്ന മധുരങ്ങൾ ഉണ്ടാക്കിയില്ലെങ്കിൽ ദീപാവലി മങ്ങിയതും ,വർണ്ണാഭമല്ലാത്തതും ആയിത്തീരും .മോടിച്ചുർ ലഡു ,കാജു കാട്ടിൽ ,കടലമാവിലെ ലഡു ,എന്നിവയെല്ലാം എല്ലാ വീട്ടിലും ഉണ്ടാക്കുന്ന മധുര വിഭവങ്ങളാണ് . നിങ്ങളുടെ ഈ വർഷത്തെ ദീപാവലി കൂടുതൽ മനോഹരമാക്കാൻ ,പ്രത്യകിച്ചും കുട്ടികളെ കൂടുതൽ സന്തോഷിപ്പിക്കാൻ ഒരു ചോക്കലേറ്റ് മധുരം തയ്യാറാക്കാം .

പഴയ വിഭവങ്ങളായ ലഡുവിനും ,ബർഫിക്കും പകരം ഈ വർഷം ചോക്കലേറ്റ് മധുരം തയ്യാറാക്കാം .ആളുകൾ നിങ്ങളെ തീർച്ചയായും അഭിനന്ദിക്കും. ചുവടെ നിങ്ങൾക്കായി ഒരു ചോക്കലേറ്റ് ബർഫി വിഭവത്തിന്റെ പാചകക്കുറിപ്പ് കൊടുത്തിരിക്കുന്നു .ഈ ദീപാവലിക്ക് നിങ്ങൾ ഇത് തീർച്ചയായും തയ്യാറാക്കുക .

ചേരുവകൾ

ഉപ്പില്ലാത്ത ഉരുകിയ ബട്ടർ - 55 ഗ്രാം
പൊടിച്ച പഞ്ചസാര - 25 ഗ്രാം
പൊടിച്ച ബിസ്ക്കറ്റ് - 15
ഉപ്പ് - ഒരു നുള്ള്
കണ്ടൻസ്ഡ് മിൽക്ക് - 125 മില്ലി
ഉണങ്ങിയ തേങ്ങ - 40 ഗ്രാം
ചോക്കലേറ്റ് ചിപ്സ് - 125 ഗ്രാം
നട്ട്സ് അറിഞ്ഞത് - 50 ഗ്രാം

ചെയ്യേണ്ട വിധം

ബർഫി ഉണ്ടാക്കുന്നതിനു മുൻപ് ഒരു ബൗളിൽ പൊടിച്ച ബിസ്ക്കറ്റും ,പഞ്ചസാരയും ,ഉപ്പുമായി ചേർത്ത് വയ്ക്കുക . .ഈ സമയത്തു ഓവൻ 180 ഡിഗ്രി സെൽഷ്യത്തിൽ ചൂടാക്കി വയ്ക്കുക . ഒരു ബൗളിൽ ഉരുകിയ ബട്ടർ എടുക്കുക . ഇതിലേക്ക് ബിസ്ക്കറ്റ് മിശ്രിതം ഇട്ടു ബട്ടറിൽ നന്നായി ഇളക്കുക. ബേക്കിങ് ട്രേ യിലേക്ക് ഇത് ഒഴിക്കുക .

അതിനെ നന്നായി പരത്തുക .ഇതിനു മുകളിലേക്ക് തേങ്ങ വിതറുക .തേങ്ങയുടെ ഒരു പാളി തീർക്കുക . ഇതിനു മുകളിലേക്ക് ചോക്കലേറ്റ് ചിപ്സ് വിതറുക. അതിനും മുകളിൽ കണ്ടെൻസ് മിൽക്ക് ഒഴിക്കുക . അവസാനമായി നട്ട് സ് വിതറുക . 20 - 30 മിനിറ്റ് ബേക്ക് ചെയ്ത ശേഷം ബർഫിയുടെ ആകൃതിയിൽ മുറിക്കുക . നിങ്ങളുടെ ചോക്കലേറ്റ് ബർഫി തയ്യാറായിക്കഴിഞ്ഞു .

ഇത് വളരെ എളുപ്പമുള്ള ഒരു പാചകമല്ലേ ?വളരെ കുറച്ചു സമയമേ എടുക്കുന്നുള്ളൂ .ഇതിൽ ധാരാളം നട്ട്സും ,ചോക്കലേറ്റും അടങ്ങിയിരിക്കുന്നതിനാൽ ആരോഗ്യകരവുമാണ് . ദീപാവലിക്ക് നിങ്ങളുടെ കുട്ടികൾ പടക്കം പൊട്ടിച്ചും ,വിളക്ക് തെളിയിച്ചും ഓടി നടക്കുമ്പോൾ നിങ്ങൾ ഈ ബർഫി അവർക്കു നൽകുക .അപ്പോൾ അവരുടെ കണ്ണിലെ തിളക്കം കാണുക.