ഏതൊരു വിശേഷ ദിനത്തിലും പായസം ഒഴിച്ച് കൂടാനാവാത്തതാണ്. പലപ്പോഴും ഏത് പായസം വെക്കണം എന്ന കണ്ഫ്യൂഷന് വരെ പലരിലും ഉണ്ടാവാം. എന്നാല് ഇനി വളരെ എളുപ്പത്തില് നമുക്ക് കുക്കര് പായസം തയ്യാറാക്കാവുന്നതാണ്. അതും വളരെ ചുരുങ്ങിയ ചേരുവയില് ചുരുങ്ങിയ സമയത്തിനുള്ളില് നിങ്ങള്ക്ക് ഈ സ്പെഷ്യല് പായസം തയ്യാറാക്കാം.
സ്പെഷ്യല് പരിപ്പ് പ്രഥമന് നമുക്ക് കുക്കറില് തയ്യാറാക്കാം. അതും സാധാരണ തയ്യാറാക്കുന്ന അതേ ടേസ്റ്റില് നിങ്ങള്ക്ക് ഇനി മുതല് പരിപ്പ് പ്രഥമന് തയ്യാറാക്കാം. ഇത് അടിപൊളിയായിരിക്കും എന്നതില് സംശയം വേണ്ട. ദിനവും നിങ്ങള്ക്ക് വേണമെങ്കില് ഈ പായസം തയ്യാറാക്കാം, കാരണം അത്രയും എളുപ്പമാണ് എന്നതാണ് ഇത് നിങ്ങളുടെ പ്രിയപ്പെട്ടതാക്കുന്നത്.
ആവശ്യമുള്ള ചേരുവകള്
ചെറുപയര് പരിപ്പ് - ഒരു കപ്പ്
തേങ്ങയുടെ ഒന്നാം പാല് - അരക്കപ്പ്
രണ്ടാപാല് - ഒരു കപ്പ്
മൂന്നാം പാല് - മൂന്നരക്കപ്പ്
ശര്ക്കര- 400 ഗ്രാം
വെള്ളം - ആവശ്യത്തിന്
ജീരകപ്പൊടി - കാല് ടീസ്പൂണ്
ഉപ്പ് - ഒരു നുള്ള്
നെയ്യ് - പാകത്തിന്
തേങ്ങക്കൊത്ത് അരിഞ്ഞത് - അരക്കപ്പ്
അണ്ടിപ്പരിപ്പ്- അല്പം
ഉണക്കമുന്തിരി - അല്പം
ഏലക്കായ- മൂന്ന് നാലെണ്ണം
തയ്യാറാക്കുന്ന വിധം
* ചെറുപയര് പരിപ്പ് രണ്ട് ഭാഗങ്ങളാക്കി ആദ്യത്തെ ഭാഗം പാനില് ഇട്ട്
ചുവന്ന നിറത്തിലാക്കി എടുക്കുക. പിന്നീട് രണ്ടാമത്തെ ഭാഗം അല്പം
കുറഞ്ഞ നിറത്തില് വറുത്തെടുക്കാം.
* പിന്നീട് ഇത് ചൂടാറിയ ശേഷം കുക്കര് നല്ലതുപോലെ കഴുകി വൃത്തിയാക്കി
ഇതിലേക്ക് ചെറുപയര് പരിപ്പ് കഴുകിയെടുത്ത് അതിലേക്ക് മൂന്നാം പാല്
ഒഴിച്ച് നല്ലതുപോലെ വേവിച്ചെടുക്കുക, ഒരു വിസില് മതിയാവും
* പിന്നീട് ശര്ക്കരയിലേക്ക് വെള്ളമൊഴിച്ച് നല്ലതുപോലെ പാവ്
കാച്ചിയെടുക്കണം
*പിന്നീട് കുക്കര് തുറന്ന് ഈ ശര്ക്കര പാനി പരിപ്പിലേക്ക് ഒഴിച്ച്
കൊടുക്കണം
*ഇത് നല്ലതുപോലെ തിളപ്പിച്ചതിന് ശേഷം ഇതിലേക്ക് രണ്ടാം പാല്
ചേര്ക്കാം
*പിന്നീട് ഏലക്കപ്പൊടി ചേര്ത്ത് വീണ്ടും നല്ലതുപോലെ തിളപ്പിക്കാം
*ശേഷം ഒന്നാം പാല് ചേര്ത്ത് ചെറുതാക്കി ചൂടാക്കാവുന്നതാണ്
*എല്ലാം കഴിഞ്ഞ് പാന് അടുപ്പില് വെച്ച് അല്പം നെയ്യ് ഒഴിച്ച്
അതിക്കേ് തേങ്ങാക്കൊത്ത് വറുത്തെടുക്കാം, ഇതിലേക്ക് തന്നെ
അണ്ടിപ്പരിപ്പും മുന്തിരിയും വറുത്തെടുക്കാം
*പിന്നീട് ഇവ പായസത്തില് ചേര്ത്ത് നല്ലതുപോലെ ഇളക്കി മിക്സ്
ചെയ്യാം, പായസം തയ്യാര്
Continue with Google