നോമ്പ് തുറക്കാന്‍ വെജിറ്റബിള്‍ സ്പ്രിംങ് റോള്‍ തയ്യാറാക്കാം

നോമ്പ് തുറക്ക് പുതിയ വിഭവങ്ങള്‍ പരീക്ഷിക്കുക എന്നത് പലരും ചെയ്യുന്നതാണ്. എന്നാല്‍ ഇന്നത്തെ ദിവസം അല്‍പം വ്യത്യസ്തമായി എളുപ്പത്തില്‍ തയ്യാറാക്കാവുന്ന വെജിറ്റബിള്‍ സ്പ്രിംങ് റോള്‍ തയ്യാറാക്കാം. ഇത് അല്‍പം സ്‌പെഷ്യല്‍ തന്നെയാണ് എന്നതാണ് ഇതിന്റെ പ്രത്യേകതയും. ഇത് കുട്ടികള്‍ക്കും മുതിര്‍ന്നവര്‍ക്കും ഒരുപോലെ ഇഷ്ടമാവും എന്നതാണ് ഈ വിഭവത്തിന്റെ പ്രത്യേകത. ഈ വിഭവം തയ്യാറാക്കുന്നത് എങ്ങനെയെന്ന് നമുക്ക് നോക്കാം.

ആവശ്യമുള്ള ചേരുവകള്‍

മൈദ- അരക്കപ്പ്
ഉപ്പ്- പാകത്തിന്
വെള്ളം- പാകത്തിന്
കാരറ്റ് അരിഞ്ഞത് : അരക്കപ്പ്
കാബേജ് അരിഞ്ഞത് : 1/2 കപ്പ്
കാപ്‌സിക്കം : മൂന്ന് ടീസ്പൂണ്‍ ചെറുതായി അരിഞ്ഞത്
ബീന്‍സ് : 1/2 കപ്പ് ചെറുതായി അരിഞ്ഞത്
ഇഞ്ചി-വെളുത്തുള്ളി പേസ്റ്റ് : 1 ടീസ്പൂണ്‍
സോയ സോസ് : അല്‍പം
കുരുമുളക്: 1/2 ടീസ്പൂണ്‍
ഉപ്പ് പാകത്തിന്
എണ്ണ : 2 ടീസ്പൂണ്‍ പച്ചക്കറി വഴറ്റിയെടുക്കാന്‍ പാകത്തിന്

തയ്യാറാക്കുന്ന വിധം

ആദ്യം മൈദ ഉപ്പും വെള്ളവും മിക്‌സ് ചെയ്ത് നല്ലതുപോലെ കുഴച്ചെടുക്കുക. ഇത് ചപ്പാത്തി മാവിന്റെ പരുവത്തില്‍ കുഴച്ചെടുക്കണം. അതിന് ശേഷം പതിനഞ്ച് മിനിറ്റ് കഴിഞ്ഞ് ഇത് പരത്തിയെടുക്കണം. പിന്നീട് ഒരു പാനില്‍ അല്‍പം എണ്ണ ചേര്‍ത്ത് ഇതിലേക്ക് ഇതിലേക്ക് പച്ചക്കറികളും അല്‍പം ഇഞ്ചി വെളുത്തുള്ളി പേസ്റ്റും മിക്‌സ് ചെയ്ത് നല്ലതുപോലെ വഴറ്റിയെടുക്കുക. പിന്നീട് ഇതിലേക്ക് സോയ സോസ്, ഉപ്പ്, കുരുമുളക് എന്നിവ ചേര്ത്ത് നല്ലതുപോലെ വഴറ്റിയെടുക്കുക. ഇത് പരത്തി വെച്ചചിരിക്കുന്ന മാവിലേക്ക് അല്‍പം നിരത്തുക. ഈ ഷീറ്റ് ത്രികോണം പോലെ മ
ക്കിയെടുക്കണം. പിന്നീട് ഇത് നല്ലതുപോലെ റോള്‍ ചെയ്ത് എടുക്കുക. എന്നിട്ട് ഇത് മടക്കി നല്ലതുപോലെ ഒട്ടിക്കുക. പിന്നീട് ഒരു പാനില്‍ എണ്ണ ഒഴിച്ച് അതിലേക്ക് ഈ റോള്‍ എടുത്ത് വറുത്തെടുക്കുക. ഗോള്‍ഡന് ബ്രൗണ്‍ നിറമാവുന്നത് വരെ വറുത്തെടുക്കാവുന്നതാണ്. ഇത് ചെറു ചൂടോടെ നമുക്ക് ടൊമാറ്റോ സോസുമായി മിക്‌സ് ചെയ്ത് കഴിക്കാവുന്നതാണ്.

നോമ്പ് തുറയ്ക്ക് ഉന്നക്കായ