ഓട്‌സ് കബാബ് തയ്യാറാക്കാം

ആരോഗ്യഗുണങ്ങള്‍ ഒത്തിണങ്ങിയ ഒരു ഭക്ഷണമാണ് ഓട്‌സെന്ന കാര്യത്തില്‍ സംശയമില്ല. ഏതു രോഗമുള്ളവര്‍ക്കും ഏതു പ്രായക്കാര്‍ക്കും കഴിയ്ക്കാവുന്ന ഒന്ന്.

ഓട്‌സ് കൊണ്ടു പല വിഭവങ്ങളുമുണ്ടാക്കാം. ഇതിലൊന്നാണ് ഓട്‌സ് കബാബ്. ഇതെങ്ങനെ തയ്യാറാക്കാമെന്നു നോക്കൂ,

ഓട്‌സ്- 1 കപ്പ്
ഉരുളക്കിഴങ്ങ്-2
ബദാം-25 ഗ്രാം
പനീര്‍-അരക്കപ്പ്
ഇഞ്ചി-വെളുത്തുള്ളി പേസ്റ്റ്-1 ടീസ്പൂണ്‍
പച്ചമുളക്-2
മുളകുപൊടി-1 ടീസ്പൂണ്‍
ചെറുനാരങ്ങാനീര്-1 ടീസ്പൂണ്‍
ഉപ്പ്
ഓയില്‍
മല്ലിയില

ഉരുളക്കിഴങ്ങ് വേവിച്ച് തൊലി കളയുക.

ഓട്‌സ്, ബദാം എന്നിവ മിക്‌സിയില്‍ നല്ലപോലെ പൊടിച്ചെടുക്കുക.

പനീര്‍ ഗ്രേറ്റു ചെയ്യുക.

ഓയിലൊഴികെയുള്ള ബാക്കിയെല്ലാ ചേരുവകളും കൂട്ടിയിളക്കി മിശ്രിതമാക്കുക.

ഇതില്‍ നിന്നും കുറേശെ വീതമെടുത്ത് കബാബ് ഷേപ്പിലാക്കി വറുത്തെടുക്കാം.