ഇഡ്ഡലിയും ദോശയും നമ്മുടെ ദേശീയ ഭക്ഷണമാണ് എന്ന് വേണമെങ്കില് പറയാം. അത്രയധികം ആരാധകരാണ് ഈ പലഹാരങ്ങള്ക്കുള്ളത്. എന്നാല് ഇതിനോടൊപ്പം ചട്നി കൂടി ചേരുമ്പോഴാണ് ആ കോംമ്പോ ഉഷാറാവുന്നത്. എന്നാല് ഇനി തേങ്ങചട്നി തയ്യാറാക്കുമ്പോള് അതിലേക്ക് നിലക്കടലക്ക് പകരം അല്പം ജീരകവും പുളിയും എല്ലാം ചേര്ത്ത് തയ്യാറാക്കി നോക്കൂ. ഇത് ചട്നിയുടെ സ്വാദ് വര്ദ്ധിപ്പിക്കും എന്നതില് സംശയം വേണ്ട.
മുളകും തേങ്ങയും എല്ലാം ചേര്ത്ത് റെഡ് ചട്നി തയ്യാറാക്കുമ്പോള് ഇതിന്റെ സ്വാദിന് രഹസ്യം എന്താണെന്ന് നമുക്ക് നോക്കാം. തീര്ച്ചയായും ഈ ചട്നി ഒരിക്കലെങ്കിലും കഴിച്ച് നോക്കണം. വളരെ എളുപ്പത്തില് രണ്ട് മിനിറ്റില് ചെയ്യാവുന്നതാണ് എന്നതാണ് ഈ ചട്നിയുടെ പ്രത്യേകതയും.
ആവശ്യമുള്ള ചേരുവകള്:
* തേങ്ങ - 1/4 കപ്പ്
* ചുവന്ന മുളക് - 4
* കറിവേപ്പില - 5-6 തണ്ട്
* വെളുത്തുള്ളി - 3 അല്ലി
* പുളി - ചെറിയ കഷണം
* ഉപ്പ് - ആവശ്യത്തിന്
* വെള്ളം - അല്പം
വറുത്തിടാന്:
*എണ്ണ - 1 ടേബിള്സ്പൂണ്
* കടുക് - 1/2 ടീസ്പൂണ്
* ഉഴുന്ന് പരിപ്പ - 1 ടീസ്പൂണ്
* കറിവേപ്പില - 1 തണ്ട്
* ഉണക്ക മുളക് - 1
തയ്യാറാക്കുന്ന വിധം:
*ആദ്യം ഒരു പകുതി തേങ്ങ എടുത്ത് പൊടി പൊടിയായി ചിരകുക. ഇതിലേക്ക്
കറിവേപ്പില, വെളുത്തുള്ളി, പുളി, ഉപ്പ്, അല്പം വെള്ളം എന്നിവ
ചേര്ത്ത് നന്നായി അരക്കാവുന്നതാണ്.
* പിന്നീട് അരച്ചെടുത്ത ചട്ണി ഒരു പാത്രത്തിലേക്ക് മാറ്റണം
* അതിന് ശേഷം ചട്നി ലൂസ് ആക്കണമെങ്കില് അതിലേക് ്ആവശ്യത്തിന് വെള്ളം
ഒഴിക്കാവുന്നതാണ്.
* അവസാനം ഒരു പാന് അടുപ്പില് വെച്ച് അതില് എണ്ണ ഒഴിച്ച് ചൂടാക്കി
കടുക്, ഉലുവ, കറിവേപ്പില, കായം എന്നിവ വറുത്തെടുത്ത് ചട്നിയില്
ചേര്ക്കുക. നല്ല കിടിലന് തേങ്ങാചട്നി തയ്യാര്.
Image Courtesy: Madras Virunthu
Continue with Google