ചൂടുകാലത്ത് ഉള്ളം തണുപ്പിക്കുന്ന ഹെല്ത്ത് ഡ്രിങ്കുകളോടാണ് മിക്കവര്ക്കും താല്പ്പര്യം. ചൂട് ശമിപ്പിക്കുന്നതിനൊപ്പം ആരോഗ്യത്തിന് ഗുണം കൂടി ചെയ്യുന്ന റെസിപ്പി ആണ് ഇന്ന് പരിചയപ്പെടുത്തുന്നത്. മലബാറിലെ ജനപ്രിയ ഐറ്റം ആണെങ്കിലും ഇന്ന് കേരളമങ്ങോളമിങ്ങോളം ആ രുചി പരന്നിട്ടുണ്ട്. മറ്റൊന്നുമല്ല - അവില് മില്ക്ക്. പഴം, അവില്, പാല്, നിലക്കടല എന്നിവ മാത്രം മതി ഏറെ രുചികരമായ, ആരോഗ്യദായകമായ ഈ പാനീയം തയ്യാറാക്കാന്. ഇത് കഴിച്ചാല് ദാഹം മാത്രമല്ല വിശപ്പും മാറും. കാഴ്ചയില് ഫലൂഡയ്ക്ക് സമാനമാണെങ്കിലും അവില് മില്ക്ക് തനിനാടന് ആണ്.
ചേരുവകള്
*അവില് - കാല്ഗ്ലാസ്
*പാല് - അര ഗ്ലാസ്
*പഞ്ചസാര - ഒരു ടേബിള്സ്പൂണ്
*പഴം - ഒന്ന്
തയ്യാറാക്കുന്ന വിധം
*ആദ്യം പഴം കഷ്ണങ്ങളാക്കി നുറുക്കണം. ഞാലിപ്പൂവന് പഴമാണ് അവില്
മില്ക്കിന് അനുയോജ്യം.
*അവില് ഒരു നോണ്സ്റ്റിക്ക് പാത്രത്തില് മറ്റൊന്നും ചേര്ക്കാതെ 3-4
മിനിറ്റ് വറുത്തെടുക്കുക.
*പഴം, പഞ്ചസാര, പാല്, തണുപ്പിന് വേണ്ടി കുറച്ച് ഐസ് എന്നിവ
മികിസിയുടെ ജാറിലിട്ട് അടിച്ചെടുക്കുക.
*ഇത് ഒരു ഗ്ലാസ്സിലേയ്ക്ക് ഒഴിച്ച് അതിലേയ്ക്ക്
വറുത്തുവെച്ചിരിക്കുന്ന അവിലും നിലക്കടലയും ചേര്ക്കുക.
*അലങ്കരിക്കാനായി അല്പ്പം ബൂസ്റ്റിന്റെ പൊടി മുകളില് വിതറാം.
Image Courtesy: Shabbu's Tasty Kitchen
Continue with Google