റാഗിമാവും ശര്‍ക്കരയും മാത്രം: സ്‌പെഷ്യല്‍ റാഗിപൂരിക്ക് വേണ്ടത്‌ 20 മിനിറ്റ്

Sweet Ragi Poori Recipe in Malayalam: പൂരി ബ്രേക്ക്ഫാസ്റ്റിന് വേണ്ടി തയ്യാറാക്കുന്നവരുണ്ട്. എന്നാല്‍ പപ്പടം പോലെയുള്ള പൂരി എന്ന് എപ്പോഴും മക്കള്‍ പരാതി പറയുന്നോ? എന്നാല്‍ ഇനി ഈ പരാതികളെ എല്ലാം നമുക്ക് ഒഴിവാക്കി നല്ല സോഫ്റ്റ് ആയ പൂരി തയ്യാറാക്കാം. അതും ആരോഗ്യകരമായ ഒന്നായ റാഗി പൂരി തയ്യാറാക്കാം. റാഗി മാവും ശര്‍ക്കരയും ചേര്‍ത്ത് നല്ലൊരു കിടിലന്‍ പൂരി തയ്യാറാക്കാം. ഇത് ആരോഗ്യകരമാണ് എന്നതാണ് ഈ റെസിപ്പിയുടെ രഹസ്യവും. സ്വീറ്റ് പൂരി തയ്യാറാക്കുന്നത് എങ്ങനെയെന്ന് നമുക്ക് നോക്കാം.

ആവശ്യമായ ചേരുവകള്‍:
* ശര്‍ക്കര - 1 കപ്പ്
* വെള്ളം - 1/2 കപ്പ്
* എള്ള്- 1 1/2 ടേബിള്‍ സ്പൂണ്‍
* റാഗിി മാവ് - 2 കപ്പ്
* ഉപ്പ് - ആവശ്യത്തിന്
* എണ്ണ - വറുക്കാന്‍ ആവശ്യമുള്ളത്

പാകം ചെയ്യുന്ന വിധം
*ആദ്യം ഒരു പാത്രത്തില്‍ 1 കപ്പ് ശര്‍ക്കര ചേര്‍ത്ത് അതില്‍ അരക്കപ്പ് വെള്ളം ഒഴിച്ച് അടുപ്പില്‍ വെച്ച് ഉരുക്കിയെടുക്കണം
*ശേഷം ഒരു പാന്‍ അടുപ്പില്‍ വെച്ച് എള്ള് വറുത്തെടുക്കണം ഇത് റാഗി പൊടിയില്‍ ചേര്‍ക്കണം.
*പിന്നീട് റാഗി മാവ് എടുത്ത് അതിലേക്ക് അല്‍പം ഉപ്പ് ചേര്‍ത്ത് മിക്‌സ് ചെയ്യുക
*അതിന് ശേഷം ശര്‍ക്കരപാനി അല്‍പാല്‍പം ഒഴിച്ച് നല്ലതുപോലെ കുഴച്ചെടുക്കണം. മാവി കട്ട കെട്ടാതിരിക്കാന്‍ പ്രത്യേകം ശ്രദ്ധിക്കണം
*പീന്നീട് പൂരിക്ക് കുഴക്കുന്ന പരവുത്തില്‍ ആക്കി ചെറിയ ഉരുളകളാക്കി ഉരുട്ടിയെടുക്കണം
*പീന്നീട് ഇത് പരത്തിയെടുത്ത് വാഴയിലയില്‍ എണ്ണ തടവി അതിലേക്ക് മാറ്റുക, ഇത് തമ്മില്‍ ഒട്ടിപ്പിടിക്കാതിരിക്കുന്നതിനാണ് വാഴയിലയിലേക്ക് മാറ്റുന്നത്
*പിന്നീട് ചട്ടിയില്‍ എണ്ണ ഒഴിച്ച് ചൂടാക്കി വറുത്തെടുക്കുക, നല്ല സോഫ്റ്റ് റാഗി പൂരി തയ്യാര്‍.

Image Courtesy: Flavors of Mumbai