പൈനാപ്പിള്‍ ലെമണൈഡ് റെസിപ്പി

Recipes

oi-Saritha

Posted By: Veena

Published: Friday, October 19, 2012, 14:27 [IST]

പൈനാപ്പിള്‍ പോഷകങ്ങളും നാരുകളും അടങ്ങിയ ഒരു ഭക്ഷണവസ്തുവാണ്. ഇത് ഇതേ രൂപത്തില്‍ കഴിയ്ക്കാന്‍ മടിയുള്ളവര്‍ക്കായിതാ പൈനാപ്പിള്‍ ലെമണൈഡ് റെസിപ്പി. ഇത് ഉണ്ടാക്കുവാന്‍ വളരെ എളുപ്പം.

ദാഹം മാറ്റുകയും അതേ സമയം ഊര്‍ജം നല്‍കുകയും ചെയ്യും. ക്ഷീണിച്ചു വരുമ്പോള്‍ തയ്യാറാക്കി വച്ചിരിക്കുന്ന പൈനാപ്പിള്‍ ലെമണൈഡ് കുടിച്ചു നോക്കൂ. ക്ഷീണം പമ്പ കടക്കുന്നത് അനുഭവിച്ചറിയാം.

പൈനാപ്പിള്‍ ജ്യൂസ്-1 കപ്പ്
ചെറുനാരങ്ങ-1 (പിഴിഞ്ഞ് ജ്യൂസെടുക്കുക)
തേന്‍-2 ടേബിള്‍ സ്പൂണ്‍
പഞ്ചസാര-4 ടേബിള്‍ സ്പൂണ്‍
വെള്ളം-2 കപ്പ്
ഐസ്

ഒരു സോസ്പാനില്‍ വെള്ളം തിളപ്പിക്കുക. ഇതിലേക്ക് പൈനാപ്പിള്‍ ജ്യൂസ്, ചെറുനാരങ്ങാനീര് എന്നിവ ചേര്‍ക്കണം. ഇതിലേക്ക് തേന്‍, പഞ്ചസാര എന്നീ കൂട്ടുകള്‍ കൂടി ചേര്‍ത്ത് നല്ലപോലെ ഇളക്കുക. അത് പതുക്കെ തിളപ്പിക്കുക. തിളച്ചു വരുമ്പോഴേയ്ക്ക് വാങ്ങി വയ്ക്കണം. പൈനാപ്പിള്‍ ലെമണൈഡ് തയ്യാറായിക്കഴിഞ്ഞു.

ഈ ലെമണൈഡ് തണുത്തു കഴിഞ്ഞാല്‍ ഫ്രിഡ്ജിലേക്കു മാറ്റാം. ആവശ്യമുള്ളപ്പോള്‍ പുറത്തെടുത്ത് ഐസ് പൊടിച്ചു ചേര്‍ത്ത് ഉപയോഗിക്കാം.

ആരോഗ്യത്തിനും ഊര്‍ജത്തിനും സഹായിക്കുന്ന ഈ പാനീയം തയ്യാറാക്കി വച്ച് കൃത്രിമ ജ്യൂസുകള്‍ക്ക് പകരം ഉപയോഗിക്കാം.