ഒരു തുള്ളി എണ്ണയില്ലാതെ ചിക്കന്‍ മസാല തയ്യാറാക്കാം

ചിക്കന്‍ കഴിക്കാന്‍ ഇഷ്ടപ്പെടുന്നവര്‍ പലപ്പോഴും ആദ്യം താല്‍പ്പര്യം കാണിക്കുന്നത് ചിക്കന്‍ ഫ്രൈ കഴിക്കാനാണ്. എന്നാല്‍ ആരോഗ്യ പ്രശ്‌നങ്ങളെ ഭയന്ന് പലരും ചിക്കന്‍ ഫ്രൈ ചെയ്ത് കഴിക്കുക എന്ന മോഹം ഉപേക്ഷിക്കുന്നു. എന്നാല്‍ ഇനി ചിക്കന്‍ മസാല തയ്യാറാക്കുമ്പോള്‍ ധൈര്യമായി കഴിക്കാം നിങ്ങള്‍ക്ക്. എണ്ണ ചേര്‍ക്കാതെ നിങ്ങള്‍ക്ക് എങ്ങനെ നല്ല സൂപ്പര്‍ ചിക്കന്‍ മസാല തയ്യാറാക്കാം എന്ന് നോക്കാം.

ആവശ്യമുള്ള ചേരുവകള്‍:
ചിക്കന്‍ - അരക്കിലോ
ചിക്കന്‍ മസാല- ഒരു സ്പൂണ്‍
മഞ്ഞള്‍പ്പൊടി - കാല്‍ ടീസ്പൂണ്‍
മുളക്‌പൊടി - ഒന്നര ടേബിള്‍ സ്പൂണ്‍
കശ്മീരി മുളക് പൊടി - അര സ്പൂണ്‍
ഗരം മസാല- ഒരു നുള്ള്
ഇഞ്ചി, വെളുത്തുള്ള പേസ്റ്റ് - ഒരു ടേബിള്‍ സ്പൂണ്‍
തൈര്- മുക്കാല്‍ ടേബിള്‍ സ്പൂണ്‍
ഉപ്പ്- ആവശ്യത്തിന്
തേങ്ങ- അല്‍പം
പെരുംജീരകം- അല്‍പം
സവാള- മൂന്നെണ്ണം

തയ്യാറാക്കുന്ന വിധം:
ആദ്യം തന്നെ ചിക്കന്‍ നല്ലതുപോലെ കഴുകി വൃത്തിയാക്കി വരഞ്ഞ് മുകളില്‍ പറഞ്ഞ മസാലകള്‍ എല്ലാം നല്ലതുപോലെ തേച്ച് പിടിപ്പിക്കുക. പിന്നീട് ഇത് അല്‍പം നേരം മാറ്റി വെക്കുക. ശേഷം ഇഡ്ഡലിത്തട്ടില്‍ എണ്ണ പുരട്ടിയ ശേഷം ചിക്കന്‍ കഷ്ണങ്ങള്‍ അതിലേക്ക് ചേര്‍ത്ത് ആവി കയറ്റി ഇതിന് മുകളിലേക്ക് അല്‍പം കറിവേപ്പില, പച്ചമുളക് എന്നിവ ചേര്‍ത്ത് നല്ലതുപോലെ ആവി കയറ്റി വേവിക്കണം. അരമണിക്കൂര്‍ എങ്കിലും ആവി കയറ്റി വേവിക്കണം.

ശേഷം അല്‍പം തേങ്ങ, പെരുംജീരകം, ഉള്ളി എന്നിവ മിക്‌സിയില്‍ ഇട്ട് ജാറില്‍ ഇട്ട് നല്ലതുപോലെ ഒതുക്കി അരച്ചെടുക്കണം. പിന്നീട് ഒരു പാത്രത്തില്‍ അര സ്പൂണ്‍ എണ്ണ ഒഴിച്ചതിന് ശേഷം ഈ മിക്‌സ് അതിലേക്ക് ഇട്ട് അല്‍പം കറിവേപ്പിലയും ഉപ്പും മിക്‌സ് ചെയ്ത് ചെറുതായി വഴറ്റിയെടുക്കണം. ഇഡ്ഡലിത്തട്ടില്‍ വേവിച്ചെടുത്ത ചിക്കന്‍ അതില്‍ നിന്ന് മാറ്റി ഈ പാനിലേക്ക് ഇളക്കി ചേര്‍ക്കണം. ഇതിലേക്ക് ചിക്കന്‍ വേവിച്ചതിന്റെ വെള്ളം ചേര്‍ത്ത് നല്ലതുപോലെ വറ്റിച്ചെടുക്കുക. നല്ല സ്വാദിഷ്ഠമായ ചിക്കന്‍ മസാല റെഡി.

Image Courtesy: yummytummyaarthi