ആരോഗ്യത്തിന് ഓട്‌സ് സൂപ്പ്

ഓട്‌സ് ആരോഗ്യത്തിനു ചേര്‍ന്ന ഭക്ഷണമാണെന്ന കാര്യത്തില്‍ ആര്‍ക്കും സംശയമുണ്ടാകില്ല. കൊളസട്രോള്‍, പ്രമേഹം തുടങ്ങിയ എല്ലാ രോഗങ്ങള്‍ക്കും കഴിയ്ക്കാവുന്ന ഒരു ഉത്തമമായ ആഹാരമെന്നു വേണമെങ്കില്‍ ഇതിനെ പറയാം.

ഓട്‌സ് പോറിഡ്ജ് പോലെയും ഉപ്പുമാവാക്കിയും കഴിയ്ക്കാം. ഓട്‌സ് അരച്ചു ചേര്‍ത്ത് ഓട്‌സ് ദോശയും ഇഡ്ഢലിയും വരെയുണ്ടാക്കാം.

ഇവ മാത്രമല്ല, ഓട്‌സ് കൊണ്ട് സൂപ്പും തയ്യാറാക്കാം. ഇതെങ്ങനെയെന്നു നോക്കൂ,

ഓട്‌സ്-2 ടേബിള്‍ സ്പൂണ്‍
കൊഴുപ്പു കുറഞ്ഞ പാല്‍-മുക്കാല്‍ കപ്പ്
സവാള-അര പകുതി ചെറുതായി നുറുക്കിയത്
വെളുത്തുള്ളി-2 അല്ലി ചെറുതായി അരിഞ്ഞത്
കുരുമുളകുപൊടി
ഉപ്പ്
എണ്ണ

ഒരു പാനില്‍ അല്‍പം എണ്ണ ചൂടാക്കുക. സവാള, വെളുത്തുള്ളി എന്നിവ ഇതിലിട്ടു നല്ലപോലെ വഴറ്റുക.

മറ്റൊരു പാത്രത്തില്‍ ഓട്‌സ് ഇട്ട് അര-മുക്കാല്‍ കപ്പ് വെള്ളം ചേര്‍ത്ത് തിളപ്പിക്കണം. ഓട്‌സ് വെന്ത് അല്‍പം കട്ടിയായിക്കഴിഞ്ഞാല്‍ പാല്‍ ചേര്‍ത്ത് സൂപ്പു പരുവത്തിലാക്കുക. സൂപ്പായതു കൊണ്ട് അല്‍പം കൂടുതല്‍ വെള്ളമുണ്ടായിരിക്കു്ന്നതു നല്ലതാണ്.

തീ കെടുത്തിയ ശേഷം തയ്യാറാക്കി വച്ചിരിയ്ക്കുന്ന സവാള മിശ്രിതം, ഉപ്പ്, കുരുമുളകു പൊടി എന്നിവ ഇതിലേക്കു ചേര്‍ത്തിളക്കുക.

ചൂടോടെ ഓട്‌സ് സൂപ്പു കുടിയ്ക്കാം.