റംസാന് കശ്മീരി റോഗന്‍ ജോഷ്

കശ്മീരി വിഭവങ്ങളില്‍ പ്രധാനപ്പെട്ട ഒന്നാണ് റോഗന്‍ ജോഷ്. തൈരില്‍ തയ്യാറാക്കുന്ന മട്ടന്‍ വിഭവമാണിത്.

റോഗന്‍ ജോഷ് എങ്ങനെ തയ്യാറാക്കാമെന്നു നോക്കൂ,

മട്ടന്‍-1 കിലോ
സവാള-3
തൈര്- അര ലിറ്റര്‍
വെളുത്തുള്ളി-6 അല്ലി
ഗ്രാമ്പൂ-6
കറുവാപ്പട്ട-ഒരു കഷ്ണം
ഏലയ്ക്ക-3
കുരുമുളക്-1 ടീസ്പൂണ്
പെരുഞ്ചീരികം-1 ടേബിള്‍ സ്പൂണ്‍
മുളകുപൊടി-1 ടേബിള്‍ സ്പൂണ്‍
കായം-അര ടീസ്പൂണ്‍
ഉപ്പ്
ഓയില്‍

ഒരു പാനില്‍ എണ്ണ തിളപ്പിച്ച് സവാള, കറുവാപ്പട്ട, ഏലയ്ക്ക, ഗ്രാമ്പൂ, പെരുഞ്ചീരകം എന്നിവ ചേര്‍ത്തു മൂപ്പിയ്ക്കുക.

ഇതിലേയ്ക്ക് മട്ടന്‍ ചേര്‍ത്തിളക്കുക. പിന്നീട് ഉപ്പ്, വെളുത്തുള്ളി ചതച്ചത്, മുളകുപൊടി, കായം എന്നിവയും ചേര്‍ത്തിളക്കണം.

ഇത തീ കുറച്ചു വച്ച് വേവിയ്ക്കുക.

തൈര് നല്ലപോലെ ഉടച്ചിളക്കി ഇതിലേയ്ക്കു ചേര്‍ത്തിളക്കണം.

ഇത് ചെറുചൂടില്‍ വേവിയ്ക്കുക. തൈര് കുറുകി ചാറ് ഒരുവിധം കട്ടിയാകുമ്പോള്‍ വാങ്ങി പുതിനയില ചേര്‍ത്തുപയോഗിയ്ക്കാം.