റംസാന് അഫ്ഗാനി ചിക്കന്‍ പുലാവ്

റംസാന് പരീക്ഷിയ്ക്കാവുന്ന വിഭവങ്ങള്‍ പലതുണ്ട്. നോണ്‍ വെജിറ്റേറിയനും വെജിറ്റേറിയനുമെല്ലാം ഇതില്‍ പെടും.

റംസാന് പരീക്ഷിയ്ക്കാവുന്ന ഒന്നാണ് അഫ്ഗാനി ചിക്കന്‍ പുലാവ്. ഇത് എങ്ങനെ തയ്യാറാക്കാമെന്നു നോക്കൂ,

ചിക്കന്‍-1 കിലോ
അരി-3 കപ്പ്
സവാള-3
തക്കാളി-3
ഇഞ്ചി അരിഞ്ഞത്- 1 ടീസ്പൂണ്‍
വെളുത്തുള്ളി-5
ഏലയ്ക്ക-5
മുഴുവന്‍ മല്ലി-1 ടീസ്പൂണ്‍
ജീരകം-1 ടീസ്പൂണ്‍
ഗ്രാമ്പൂ-4
മുളകുപൊടി- 1 ടീസ്പൂണ്‍
കറുവാപ്പട്ട-ഒരു കഷ്ണം
പച്ചമുളക്-3
ഉണക്കമുന്തിരി

ചിക്കന്‍, ഇഞ്ചി, വെളുത്തുള്ളി, ഗ്രാമ്പൂ, കറുവാപ്പട്ട, പകുതി സവാള, മുഴുവന്‍ മല്ലി, ഏലയ്ക്ക, ഉപ്പ് വെള്ളം എന്നിവ 5 കപ്പ് വെള്ളം ചേര്‍ത്ത് അര മണിക്കൂര്‍ വേവിയ്ക്കുക.

ചിക്കന്‍ വേവിച്ച വെള്ളത്തില്‍ (ചിക്കന്‍ സ്റ്റോക്ക്) നിന്നും വെന്ത ചിക്കന്‍ കൂട്ട് മാറ്റി വയ്ക്കുക.

വെള്ളം അഞ്ചു കപ്പില്‍ കൂടുതലെങ്കില്‍ വീണ്ടും തിളപ്പിച്ചു വറ്റിച്ച് 5 കപ്പാക്കണം.

ഒരു പാനില്‍ ഓയില്‍ തിളപ്പിച്ച് സവാള വഴറ്റുക. ഇതിലേയ്ക്ക് തക്കാളി, പച്ചമുളക്, , മുളകുപൊടി, ജീരകം എന്നിവ ചേര്‍ത്തു വഴറ്റുക. ഇതിലേയ്ക്ക് ചിക്കന്‍ കൂട്ട് ചേര്‍ത്തിളക്കുക.

ഇതിലേയ്ക്ക് ചിക്കന്‍ സ്റ്റോക്കും അരിയും ചേര്‍ത്തിളക്കുക.

ഇത് അടച്ചുവച്ച് വേവിയ്ക്കുക.

വെന്തു വെള്ളം വറ്റിക്കഴിഞ്ഞാല്‍ ഇത് വാങ്ങി ഉണക്കമുന്തിരി വറുത്തതു കൊണ്ട് അലങ്കരിയ്ക്കാം.റംസാന് ബട്ടര്‍ കീമ മസാല തയ്യാറാക്കാം