ചെറുപയര്‍ പരിപ്പ് കിച്ച്ഡി

ആരോഗ്യത്തിന് ഒന്നാന്തരമായൊരു ഭക്ഷണവസ്തുവാണ് ചെറുപയര്‍ പരിപ്പ്. ചോറും പരിപ്പും ചേര്‍ന്നാല്‍ നല്ലൊരു സമീകൃതാഹാരമായി.

ഇതിന് അല്‍പം വകഭേദം നല്‍കി ചെറുപയര്‍ പരിപ്പ് കിച്ച്ഡിയുണ്ടാക്കി നോക്കൂ.

അരി-1 കപ്പ്
ചെറുപയര്‍ പരിപ്പ്-1 കപ്പ്
ബീന്‍സ്-10
ക്യാരറ്റ്-1
തക്കാളി-1
ഗ്രീന്‍പീസ്-അരകപ്പ്
ജീരകം-1 ടീസ്പൂണ്‍
ചുവന്ന മുളക്-2
പച്ചമുളക്-2
ഇഞ്ചി-1 കഷ്ണം
വയനയില-2
ഗരം മസാല-1 ടീസ്പൂണ്‍
മഞ്ഞള്‍പ്പൊടി-1 നുള്ള
ജീരകപ്പൊടി-1 ടീസ്പൂണ്‍
ഉപ്പ്
നെയ്യ്

അരിയും ചെറുപയര്‍ പരിപ്പും നല്ലപോലെ കഴുകി വയ്ക്കുക.

ഒരു കുക്കറില്‍ നെയ്യ് ചൂടാക്കണം. ഇതിലേക്ക് ജീരകം, പച്ചമുളക്, ചുവന്ന മുളക് എ്ന്നിവ ചേര്‍ക്കുക. ഇതിലേക്ക് ഇഞ്ചി അരി്ഞ്ഞിടുക. ഇത് നല്ലപോലെ ഇളക്കി ഇതിലേക്ക് ക്യാരറ്റ്, ബീന്‍സ് എന്നിവ അരിഞ്ഞതും ഗ്രീന്‍പീസും ചേര്‍ക്കുക. ഇത് അല്‍പനേരം ഇളക്കുക.

അരിയും പരിപ്പും പച്ചക്കറിക്കൂട്ടിലേക്കു ചേര്‍ക്കണം. ഇതിലേക്ക് തക്കാളിയും ഉപ്പും ചേര്‍ക്കുക. ഇതിനൊപ്പം ബാക്കിയെല്ലാ മസാലകളും ജീരകപ്പൊടിയും ചേര്‍ക്കുക.

പാകത്തിന് വെള്ളമൊഴിച്ച് വേവിച്ചെടുക്കാം.

മേമ്പൊടി

കുക്കറില്‍ രണ്ടു വിസില്‍ വരുന്നതു വരെ വേവിച്ചാല്‍ മതിയാകും. ചെറിയ അരിയാണ് കിച്ച്ഡിയുണ്ടാക്കാന്‍ നല്ലത്.