വീട്ടിലുണ്ടാക്കാം മയോണൈസ്: അതും മുട്ടയും എണ്ണയും ചേര്‍ക്കാതെ

മയോണൈസ് പലപ്പോഴും പലര്‍ക്കും ഇഷ്ടമുള്ള ഒന്നാണ്. എന്നാല്‍ പലപ്പോഴും ആരോഗ്യത്തെ പേടിച്ച് പലരും ഇത് കഴിക്കാറില്ല എന്നതാണ് സത്യം. എന്നാല്‍ എല്ലാവര്‍ക്കും ഇഷ്ടമുള്ള മയോണൈസ് ഇനി നമുക്ക് വീട്ടില്‍ തയ്യാറാക്കാം. അതും ആരോഗ്യകരമായ ചേരുവകള്‍ എല്ലാം കൂടി ചേര്‍ത്ത്. അനാരോഗ്യരമായ ചേരുവകള്‍ ഒന്നും ഇല്ലാതെ വീട്ടില്‍ തന്നെ നമുക്ക് മയോണൈസ് തയ്യാറാക്കാം. അതും വളരെ എളുപ്പത്തില്‍ തയ്യാറാക്കി നോക്കാം. ഇനി പണം കൊടുത്ത് മോശമായ മയോണൈസ് വാങ്ങിക്കഴിക്കേണ്ട. വീട്ടില്‍ തന്നെ തയ്യാറാക്കാം മയോണൈസ്.

ആവശ്യമുള്ള ചേരുവകള്‍:
പനീര്‍ - 100 ഗ്രാം
കശുവണ്ടിപ്പരിപ്പ് കുതിര്‍ത്തത് - 30 എണ്ണം
വെളുത്തുള്ളി അല്ലി - 2 എണ്ണം
കുരുമുളക് - 5 എണ്ണം
ഉണക്കമുളക് ചതച്ചത് -1 ടീസ്പൂണ്‍
ഒറിഗാനോ - 1 ടീസ്പൂണ്‍
ഉപ്പ് - ആവശ്യത്തിന്
ചെറുനാരങ്ങ നീര് - ഒന്ന്
പാല്‍ - കാല്‍ക്കപ്പ്

തയ്യാറാക്കുന്ന വിധം:
മുകളില്‍ പറഞ്ഞ ചേരുവകള്‍ എല്ലാം ഒരുമിച്ച് ഒരു മിക്‌സിയുടെ ജാറില്‍ ഇട്ട് നല്ലതുപോലെ പേസ്റ്റ് രൂപത്തില്‍ അരച്ചെടുക്കുക. ഇത് നല്ലതുപോലെ അടിച്ചെടുത്ത് ഒരു പാത്രത്തിലേക്ക് മാറ്റുക. നല്ല സ്വാദിഷ്ഠമായ ആരോഗ്യകരമായ മയോണൈസ് തയ്യാറായി. നിങ്ങള്‍ക്ക് ഇത് സാന്‍ഡ് വിച്ചിനോടൊപ്പമോ അല്ലെങ്കില്‍ ബ്രെഡ് പോലുള്ളവയിലും നേരിട്ട് ഉപയോഗിച്ച് കഴിക്കാവുന്നതാണ്.