മാംഗോ പുലാവ് തയ്യാറാക്കാം

പച്ചയ്ക്കും പഴുത്തിട്ടുമെല്ലാം മാങ്ങ സുലഭമായി ലഭിയ്ക്കുന്ന ഒരു കാലമാണിത്. സാധാരണ ചോറില്‍ നിന്നും വ്യത്യസ്തമായി മാങ്ങ ഉപയോഗിച്ച് മാംഗോ പുലാവ് തയ്യാറാക്കി നോക്കൂ.

അല്‍പം പുളിയുള്ള ഈ വിഭവം ആര്‍ക്കും ഇഷ്ടമാകും. സാധാരണ പുലാവുകളില്‍ നിന്നും വ്യത്യസ്തമായ ഒന്നുമാകും.

മാംഗോ പുലാവ് ഉണ്ടാക്കാന്‍ വലിയ ബുദ്ധിമുട്ടൊന്നുമില്ല. ഇത് ഉണ്ടാക്കാനുള്ള വഴികള്‍ നോക്കൂ.

ബസ്മതി റൈസ്-2 കപ്പ്
പച്ചമാങ്ങ-1
പച്ചമുളക്-2
കുരുമുളക്-6
ഏലയ്ക്ക-4
ഇഞ്ചി-ഒരു കഷ്ണം
കറുവാപ്പട്ട-1 ക്ഷ്ണം
ഗ്രാമ്പൂ-3
ജീരകം-അര ടീ സ്പൂണ്‍
ജീരകപ്പൊടി-അര ടീസ്പൂണ്‍
മഞ്ഞള്‍പ്പൊടി-അര ടീസ്പൂണ്‍
ഉപ്പ്
നെയ്യ്

ബസ്മതി അരി വെള്ളത്തിലിട്ടു കുതിര്‍ത്തെടുക്കുക.
പ്രഷര്‍ കുക്കറില്‍ നെയ്യു ചൂടാക്കുക. ഇതിലേക്കു ജീരകം ചേര്‍ക്കുക. പച്ചമളക്, കറുവാപ്പട്ട, ഏലയ്ക്ക, ഗ്രാമ്പൂ, കുരുമുളക, ഇഞ്ചി എന്നിവയും ഇതിലേക്കു ചേര്‍ക്കണം. ഇത് നല്ലപോലെ ഇളക്കുക.

തൊലി കളഞ്ഞ് ഇടത്തരം കഷ്ണങ്ങളാക്കിയ മാങ്ങ ഇതിലേക്കു ചേര്‍ത്തിളക്കുക. ഇതിലേക്ക് ജീരകപ്പൊടി, മഞ്ഞള്‍പ്പൊടി എന്നിവ ചേര്‍ത്തിളക്കണം. ബസ്മതി അരിയും ചേര്‍ക്കുക. പാകത്തിനു വെള്ളവും ചേര്‍ത്ത് പ്രഷര്‍ കുക്കര്‍ അടച്ചു വച്ചു വേവിയ്ക്കണം. രണ്ടു വിസില്‍ വന്നാല്‍ മതിയാകും.

മാംഗോ പുലാവില്‍ മല്ലിയില അരിഞ്ഞു ചേര്‍ത്ത് ചൂടോടെ കഴിയ്ക്കാം.