ബാക്കി വന്ന ചോറ് കളയേണ്ടി വരുമല്ലോ എന്നോര്ത്ത് വിഷമിക്കേണ്ട. നാളികേരവും മറ്റ് ചേരുവകളും ചേര്ത്ത് കോക്കനട്ട് റൈസ് ഉണ്ടാക്കാം.
സാധാരണ രുചിയില് നിന്നും വ്യത്യസ്തമായി ചോറുണ്ണാന് ആഗ്രഹമുള്ളവര്ക്ക് ഈ കോക്കനട്ട് റൈസ് റെസിപ്പി പരീക്ഷിച്ചു നോക്കാം.
ചോറ്-2 കപ്പ്
നാളികേരം-മുക്കാല് കപ്പ്
കടുക്-1 ടേബിള് സ്പൂണ്
കടലപ്പരിപ്പ്-1 ടേബിള് സ്പൂണ്
ഉഴുന്നുപരിപ്പ്-1 ടേബിള് സ്പൂണ്
ചുവന്ന മുളക്-2
പച്ചമുളക്-3
കായപ്പൊടി-ഒരു നുള്ള്
ഇഞ്ചി- ഒരു കഷ്ണം
കശുവണ്ടിപ്പരിപ്പ്
കറിവേപ്പില
ഉപ്പ്
ഒരു ചീനച്ചട്ടിയില് എണ്ണ ചൂടാക്കി കടുകു പൊട്ടിയ്ക്കുക. ഇതിലേക്ക് കടലപ്പരിപ്പ്, ഉഴുന്നുപരിപ്പ്, ചുവന്ന മുളക്, കശുവണ്ടിപ്പരിപ്പ് എന്നിവ ചേര്ത്തിളക്കുക.
മേല്പ്പറഞ്ഞ മിശ്രിതം നല്ലപോലെ മൂത്തു കഴിയുമ്പോള് പച്ചമുളക്, ഇഞ്ചി, കായപ്പൊടി, കറിവേപ്പില എന്നിവ ചേര്ക്കണം. ഇതിലേക്ക് ചിരകിയ നാളികേരവും പാകത്തിന് ഉപ്പും ചേര്ക്കുക. ഇതിലേക്ക് ചോറ് ചേര്ത്തിളക്കാം.
മേമ്പൊടി
കുത്തരിയേക്കാള് പച്ചരിയായിരിക്കും കോക്കനട്ട് റൈസ് ഉണ്ടാക്കാന് കൂടുതല് നല്ലത്.
Continue with Google