വഴുതനങ്ങ തൈരു കറി, വളരെ എളുപ്പം

വഴുതനങ്ങ കൊണ്ട് പലതരം വിഭവങ്ങളുണ്ടാക്കാം. എന്നാല്‍ വറുത്ത വഴുതനങ്ങയും തൈരും ചേര്‍ത്ത് ഒരു കറിയുണ്ടാക്കിയാലോ, അതിഥികള്‍ വരുമ്പോള്‍ എളുപ്പത്തില്‍ ഉണ്ടാക്കുകയും ചെയ്യാം.

വഴുതനങ്ങ തൈരു കറി, വളരെ എളുപ്പം

വഴുതനങ്ങ-3
തൈര്-1 കപ്പ്
ഇഞ്ചി-വെളുത്തുള്ളി പേസ്റ്റ്-1 ടീ സ്പൂണ്‍
മുളകുപൊടി-2 ടീസ്പൂണ്‍
ഗരം മസാല-1 ടീസ്പൂണ്‍
മഞ്ഞള്‍പ്പൊടി-അര ടീസ്പൂണ്‍
എണ്ണ
കറിവേപ്പില

വഴുതനങ്ങ കഴുകി വട്ടത്തില്‍ അരിഞ്ഞു വയ്ക്കുക. വല്ലാതെ കനം കുറച്ച് അരിയരുത്. ഇത് അല്‍പനേരം ഉപ്പുവെള്ളത്തില്‍ ഇട്ടു വയ്ക്കുക. പിന്നീടിത് വെള്ളം മുഴുവന്‍ കളഞ്ഞെടുക്കണം. മുളകുപൊടി, ഉപ്പ്, ഗരം മസാല എന്നിവ കലര്‍ത്തി വഴുതനങ്ങ കഷ്ണങ്ങളില്‍ നല്ലപോലെ പുരട്ടി അരമണിക്കൂര്‍ വയ്ക്കുക.

ഒരു പാത്രത്തില്‍ എണ്ണ തിളപ്പിക്കുക. വഴുതനങ്ങാ കഷ്ണങ്ങള്‍ ഇതില്‍ ഇട്ട് വറുത്തെടുക്കണം.

തൈര് നല്ലപോലെ ഇളക്കുക. ഇതിലേക്ക് ഇഞ്ചി, വെളുത്തുള്ളി പേസ്റ്റ് ചേര്‍ത്ത് ഇളക്കണം. പാകത്തിന് അല്‍പം ഉപ്പും കറിവേപ്പിലയും ചേര്‍ക്കണം.

വറുത്തെടുത്ത വഴുതനങ്ങ കഷ്ണങ്ങള്‍ തൈരിലേക്കു ചേര്‍ത്ത് ഇളക്കുക.

ചപ്പാത്തി, ചോറ് എന്നിവയ്‌ക്കൊപ്പം കഴിയ്ക്കാന്‍ പറ്റിയ കറിയാണിത്.