അച്ചാറി ആലു മസാല

ഉരുളക്കിഴങ്ങ് ദേശഭേദമില്ലാതെ എല്ലാവരും ഉപയോഗിക്കുന്ന ഒരു ഭക്ഷണവസ്തുവാണ്. ഇത് വറുത്തും കറി വച്ചുമെല്ലാം കഴിയ്ക്കാം.

ഉരുളക്കിഴങ്ങു കൊണ്ട് ചപ്പാത്തിയ്ക്കു പറ്റുന്ന സ്വാദിഷ്ടമായ ഒരു കറിയുണ്ടാക്കി നോക്കൂ. അച്ചാറി അലൂ.

ഉരുളക്കിഴങ്ങ്-അരക്കിലോ
കായം-1 നുള്ള്
ജീരകം-അര ടീസ്പൂണ്‍
കടുക്-അര ടീസ്പൂണ്‍
മഞ്ഞള്‍പ്പൊടി-അര ടീസ്പൂണ്‍
മുളകുപൊടി-അര ടീസ്പൂണ്‍
മല്ലിപ്പൊടി-അര ടീസ്പൂണ്‍
ഡ്രൈ മാംഗോ പൗഡര്‍-1 ടീസ്പൂണ്‍
ഉലുവ-1 ടീസ്പൂണ്‍
പച്ചമുളക്-4
ഇഞ്ചി-1 കഷ്ണം
ഉപ്പ്

ഉരുളക്കിഴങ്ങ് തൊലി കളഞ്ഞ് കഷ്ണങ്ങളാക്കി നുറുക്കി വയ്ക്കുക. ഒരു ചീനച്ചട്ടിയില്‍ എണ്ണ ചൂടാക്കി കടുക്, ജീരകം എന്നിവ പൊട്ടിക്കുക. ഇതിലേക്ക് കായപ്പൊടിയിടുക.

ഈ കൂട്ടിലേക്ക് ഉരുളക്കിഴങ്ങു കഷ്ണങ്ങള്‍ ചേര്‍ക്കണം. ഇത് നല്ലപോലെ ചേര്‍ത്തിളക്കണം.

ഉലുവ, മല്ലിപ്പൊടി, പച്ചമുളക്, ഇഞ്ചി എന്നിവ ചേര്‍ത്തരയ്ക്കുക. ഇത് ഉരുളക്കിഴങ്ങു കൂട്ടിലേയ്ക്കു ചേര്‍ക്കുക.

അല്‍പം മല്ലിപ്പൊടി, മുളകുപൊടി, മഞ്ഞള്‍പ്പൊടി, ഡ്രൈ മാംഗോ പൗഡര്‍ എന്നിവയെല്ലാം ചേര്‍ത്ത് ഈ കൂട്ട് ഇളക്കുക. പാകത്തിന് ഉപ്പും വെള്ളവും ചേര്‍ത്ത് വേവിച്ചെടുക്കണം.

മല്ലിയില ചേര്‍ത്ത് അലങ്കരിക്കാം.