ആപ്പിള്‍ മില്‍ക് ഷേക്ക്

Recipes

oi-Saritha

Posted By: Veena

Published: Wednesday, September 26, 2012, 15:12 [IST]

ആപ്പിള്‍ ഏതാണ്ട് എല്ലാ സീസണിലും ലഭ്യമായ ഫലവര്‍ഗമാണ്. ആരോഗ്യത്തിനാണെങ്കില്‍ ഏറ്റവും ഉത്തമവും. ആപ്പിളും പാലും ചേര്‍ത്ത് ആപ്പിള്‍ മില്‍ക് ഷേക്ക് ഉണ്ടാക്കി നോക്കൂ. വളരെ എളുപ്പത്തില്‍ ഉണ്ടാക്കുകയുമാകാം.

ആപ്പിള്‍-1 കിലോ
പാല്‍-4 കപ്പ്
ഏലയ്ക്ക-4
പഞ്ചസാര-4 ടേബിള്‍ സ്്പൂണ്‍
ഐസ് ക്യൂബ്

ആപ്പിളിന്റെ തൊലി ചെത്തി ചെറിയ കഷ്ണങ്ങളാക്കി മുറിയ്ക്കുക. ആപ്പിള്‍ കഷ്ണങ്ങളും പഞ്ചസാരയും പാലും ചേര്‍ത്ത് മിക്‌സിയിലോ ജ്യൂസറിലോ അടിയ്ക്കുക.

ഇതിലേക്ക് ഏലയ്ക്ക പൊടിച്ചത് ചേര്‍ക്കണം. ഐസ്‌ക്യൂബുകള്‍ ഉടച്ച് തയ്യാറാക്കി വച്ചിരിക്കുന്ന മില്‍ക് ഷേക്കിലേക്കു ചേര്‍ക്കുക.

ഇത് കുടിച്ചു നോക്കൂ. വിശപ്പു മാറുകയും ചെയ്യും. ഉന്മേഷം തോന്നുകയും ചെയ്യും.

മേമ്പൊടി

മില്‍ക് ഷേക്ക് കുടിയ്ക്കാന്‍ സമയത്തു മാത്രമെ ഐസ് ചേര്‍ക്കാന്‍ പാടൂ. അല്ലെങ്കില്‍ ഫ്രിഡ്ജില്‍ വച്ചു തണുപ്പിക്കുകയോ തണുത്ത പാലില്‍ ഇത് ഉണ്ടാക്കുകയോ ചെയ്യാം. ഇത് തയ്യാറാക്കി അധിക സമയം കഴിയുന്നതിന് മുന്‍പേ കുടിയ്ക്കുന്നതാണ് നല്ലത്.