മഷ്‌റൂം ബിരിയാണി

കൂണ്‍ ആരോഗ്യത്തിന് ഏറ്റവും പറ്റിയ ഒരു ഭക്ഷണമാണ്. ഇതുകൊണ്ട് ഒരു ബിരിയാണിയുണ്ടാക്കിയാലോ.

വ്യത്യസ്തമായ ഈ ബിരിയാണി ഒന്നു പരീക്ഷിച്ചു നോക്കൂ.

കൂണ്‍-അരക്കിലോ
ബിരിയാണി അരി-രണ്ടു കപ്പ്
സവാള-5
ഇഞ്ചി, വെളുത്തുള്ളി പേസ്റ്റ്-ഒന്നര ടേബിള്‍ സ്പൂണ്‍
മഞ്ഞള്‍പ്പൊടി-അര ടീസ്പൂണ്‍
മുളകുപൊടി-1 ടീസ്പൂണ്‍
പെരുജീരകപ്പൊടി-1 ടീ സ്പൂണ്‍
ഗരം മസാല-1 ടീ സ്പൂണ്‍
മല്ലിയില
ഉപ്പ്
നെയ്യ്
ഉണക്കമുന്തിരി
കശുവണ്ടിപ്പരിപ്പ്

അരി കഴുകി പാകത്തിന് വെള്ളം ചേര്‍ത്ത് ബിരിയാണിപ്പരുവത്തില്‍ വേവിച്ചെടുക്കുക.

കൂണ്‍ കഴുകി വൃത്തിയാക്കി നീളത്തില്‍ അരിയണം. വെള്ളം മുഴുവന്‍ ഊറ്റിക്കളയണം. ഇതില്‍ ഉപ്പ്, കുരുമുളകുപൊടി, മഞ്ഞള്‍പ്പൊടി, പെരുംജീരകപ്പൊടി, ഗരം മസാലപ്പൊടി എന്നിവ ചേര്‍ത്ത് വേവിച്ചെടുക്കണം. വേവ് അധികമാകാന്‍ പാടില്ല.

ഒരു ചീനച്ചട്ടി അടുപ്പില്‍ വച്ച് ചൂടാക്കണം. ഇതിലേക്ക് നെയ്യൊഴിയ്ക്കുക. ഇതിലേക്ക് സവാളയിട്ട് വഴറ്റണം. ഇഞ്ചി, വെളുത്തുള്ളി പേസ്റ്റും ചേര്‍ക്കുക. ഇത് നന്നായി വഴറ്റി വേവിച്ചു വച്ചിരിക്കുന്ന കൂണ്‍ ചേര്‍ത്ത് നല്ലപോലെ ഇളക്കി യോജിപ്പിക്കണം.

വേവിച്ചു വച്ചിരിക്കുന്ന ചോറില്‍ കൂണ്‍മസാല ചേര്‍ത്ത് നല്ലപോലെ ഇളക്കി യോജിപ്പിക്കണം.

കശുവണ്ടിപ്പരിപ്പ്, ഉണക്കമുന്തിരി എന്നിവ നെയ്യില്‍ വറുത്തതും മല്ലിയിലയും ചേര്‍ത്ത് അലങ്കരിക്കാം.

കൂണ്‍ ബിരിയാണി സാലഡ്, അച്ചാര്‍ എന്നിവയ്‌ക്കൊപ്പം കഴിയ്ക്കാം.