എളുപ്പത്തിലൊരു തക്കാളി ചട്‌നി

Recipes

oi-Saritha

Posted By: Veena

Published: Tuesday, July 3, 2012, 13:03 [IST]

തക്കാളി ഭക്ഷണസാധങ്ങളില്‍ പ്രധാനം. സസ്യ, മാംസാഹാരങ്ങളുടെ ഒരു പ്രധാന ചേരുവ.

ഇതുകൊണ്ട് ചെറിയൊരു മധുരവും പുളിപ്പുമുള്ള തക്കാളി ചട്‌നി ഒന്നു പരീക്ഷിച്ചു നോക്കൂ. ഉണ്ടാക്കാന്‍ വളരെ എളുപ്പം

തക്കാളി-5
മുളകുപൊടി-1 സ്പൂണ്‍
കടുക്-1 സ്പൂണ്‍
ശര്‍ക്കര-ഒരു വെല്ലത്തിന്റെ കാല്‍ ഭാഗം
എണ്ണ
കറിവേപ്പില

തക്കാളി അരിഞ്ഞ് നല്ലപോലെ മിക്‌സിയില്‍ അടിക്കുക.

ഒരു ചീനച്ചട്ടിയില്‍ വെളിച്ചെണ്ണ ചൂടാക്കുക. ഇതിലേക്ക് കടുകിട്ടു പൊട്ടിക്കുക. കറിവേപ്പിലയും ഇടുക.

അരച്ചു വച്ചിരിക്കുന്ന തക്കാളി ഇതിലേക്കു ചേര്‍ക്കുക. മുളകുപൊടിയും പാകത്തിന് ഉപ്പും ചേര്‍ക്കാം. ശര്‍ക്കരയും ഇടുക. ഇത് നല്ലപോലെ ഇളക്കിക്കൊണ്ടിരിക്കണം.

മിശ്രതത്തിലെ വെള്ളം വറ്റി നല്ല ചുവന്ന നിറമാകുന്നതു വരെ ഇളക്കണമെന്നതു പ്രധാനം. വെള്ളം വറ്റി മിശ്രിതം കട്ടയാകുമ്പോള്‍ വാങ്ങി വയ്ക്കാം.

ദോശക്കും ഇഡ്ഢലിക്കും ഒപ്പം കഴിയ്ക്കാം.

മേമ്പൊടി

നല്ല പഴുത്ത തക്കാളി വേണം തക്കാളി ചട്‌നിക്ക് ഉപയോഗിക്കാന്‍. അഞ്ചോ ആറോ തക്കാളി എടുത്താലേ തക്കാളി ചട്‌നി ഉണ്ടാക്കാന്‍ സാധിക്കൂ. കാരണം നല്ലപോലെ ഇളക്കി അളവു കുറയ്ക്കുന്തോറുമാണ് ചട്‌നിയുടെ സ്വാദേറുക.

ശര്‍ക്കരക്കു പകരം അല്‍പം പഞ്ചസാര ഉപയോഗിച്ചാലും മതി. മധുരം തീരെ വേണ്ടെന്നുള്ളവര്‍ക്ക് ഇവ ഒഴിവാക്കാം. എരിവു വേണ്ടതിനനുസരിച്ച് മുളകുപൊടിയിലും വ്യത്യാസം വരുത്താം.