പ്രാതലിന്, ആരോഗ്യത്തിന്, റാഗി ദോശ

Recipes

oi-Saritha

Posted By: Veena

Published: Wednesday, June 20, 2012, 14:10 [IST]

ദോശകള്‍ക്ക് വിവിധ വകഭേദങ്ങളുണ്ട്. റാഗി ദോശ പരീക്ഷിച്ചു നോക്കൂ. പോഷകസമൃദ്ധമാണിത്.

റാഗിപ്പൊടി-രണ്ടര കപ്പ്
ഉഴുന്ന്-അരക്കപ്പ്
പച്ചരി-അരക്കപ്പ്
ഉലുവ-1 സ്പൂണ്‍
മല്ലിയില
ഉപ്പ്
എണ്ണ

അരിയും ഉഴുന്നും ഉലുവയും വെള്ളത്തിലിട്ട്് കുതിര്‍ത്തിയെടുത്ത്് അരയ്ക്കുക. ഇത് നല്ലപോലെ അരയുമ്പോള്‍ രാഗിപ്പൊടിയും ചേര്‍ത്ത് അരയ്ക്കണം.

പാകത്തിന് വെള്ളം, ഉപ്പ് എന്നിവ ചേര്‍ത്ത് മാവ് കലക്കി വയ്ക്കുക. ദോശയുണ്ടാക്കുന്ന സമയത്ത് ഇതിലേക്ക് മല്ലിയില അരിഞ്ഞതും ചേര്‍ക്കാം.

മാവ് പൊന്താന്‍ 10-12 മണിക്കൂറെങ്കിലും വയ്ക്കണം.

ദോശക്കല്ല് ചൂടാക്കി അതില്‍ എണ്ണ പുരട്ടി മാവൊഴിച്ച് ദോശ ചുട്ടെടുക്കാം. ചട്‌നി കൂട്ടി കഴിയ്ക്കാം.

മേമ്പൊടി

ദോശയുണ്ടാക്കുമ്പോള്‍ അല്‍പം നെയ്യ് ചേര്‍ത്താല്‍ രുചിയും മണവും കൂടും. പച്ചരിക്കു പകരും ദോശ, ഇഡ്ഢലി അരി എന്നിവയും ഉപയോഗിക്കാം. ഈ കൂട്ടില്‍ അല്‍പം ചുവന്ന അരി കൂടി അരച്ചാല്‍ ദോശ നല്ലപോലെ മൊരിഞ്ഞു കിട്ടും.

റാഗിപ്പൊടിക്കു പകരം റാഗി വെള്ളത്തിലിട്ട് കുതിര്‍ത്ത് അരയ്ക്കുകയുമാവാം.