സാബുധാന (ചൗവരി) വട

പരിപ്പുവട, ഉഴുന്നുവട തുടങ്ങിയ പേരുകളിലുള്ള വടകളാണ് മലയാളികള്‍ക്കേറെ പരിചിതം. സാബുധാന
അഥവാ ചൗവരി കൊണ്ടും വടയുണ്ടാക്കാം.

ഉരുളക്കിഴങ്ങ്-1 കിലോ
ചൗവരി-1 കപ്പ്
നിലക്കടല-അര കപ്പ് പൊടിച്ചത്
പച്ചമുളക്-5
മുളുകുപൊടി-1 സ്പൂണ്‍
നാരങ്ങാനീര്-1 സ്പൂണ്‍
ഉപ്പ്
എണ്ണ
മല്ലിയില

ഉരുളക്കിഴങ്ങ് പുഴുങ്ങി തൊലി കളഞ്ഞ് ഉടയ്ക്കുക. ചൗവരി വെള്ളത്തില്‍ കുതിര്‍ത്തെടുക്കുക. ഇത് ഉടച്ച ഉരുളക്കിഴങ്ങിനൊപ്പം ചേര്‍ത്തിളക്കുക.

പൊടിച്ച നിലക്കടല, മസാലപ്പൊടികള്‍, ഉപ്പ്, മല്ലിയില, മുളക് എന്നിവ ഈ കൂട്ടില്‍ ചേര്‍ത്തിളക്കി അല്‍പസമയം വയ്ക്കുക.

ഒരു ചീനച്ചട്ടിയില്‍ എണ്ണ തിളപ്പിക്കുക. മിശ്രിതം കുറേശെ വീതം എടുത്ത് വടയുടെ വലിപ്പത്തില്‍ പരത്തി എണ്ണയിലിട്ട് കോരുക.

സോസ് കൂട്ടി കഴിയ്ക്കാം